سینیٹ ہال میں ووٹنگ والی جگہ پر خفیہ کیمرہ اور ڈیوایس برآمد

جی این این کے مطابق حکومتی اور اپوزیشن کے رہنما ؤں نے سینیٹ ہال کے پولنگ بوتھ میں لگے کیمرے کی تصاویر ٹوئٹر پر شیئر کر دیں۔ پیپلز پارٹی کے رہنما مصطفیٰ نواز کھوکھر نے ٹوئٹر پر تصاویر جاری کرتے ہوئے کہا کہ میں نے اورمصدق ملک نے پولنگ بوتھ پر لگا خفیہ کیمرہ ڈھونڈا ہے۔ 

Myself and Dr Musadik found spy cameras right over the polling booth!!!! pic.twitter.com/aqRGFRYFbq

— Mustafa Nawaz Khokhar (@Mustafa_PPP) March 12, 2021

جبکہ مسلم لیگ ن کے رہنما مصدق ملک نے بھی ایک تصویر شیئر کی ہے اور کہا ہے کہ پولنگ بوتھ میں اور چھپی ہوئی ڈیوائس برآمد ہوئی ہے ۔ دوسری پولنگ بوتھ میں کیمرہ برآمد ہونے پر اپوزیشن رہنمااپنی نشستوں پر کھڑے ہوگئے اور ایوان میں احتجاج شروع کر دیا ۔ 

Another hidden device found in the polling booth. Bravo pic.twitter.com/ZGAO04RBMb

— Dr. Musadik Malik (@DrMusadikMalik) March 12, 2021

تاہم وفاقی وزیر اطلاعات و نشریات شبلی فرازنے الزام عائد کیا کہ سینیٹ ہال میں کیمرہ اپوزیشن نے لگایا ہے۔ ہم نے اپوزیشن کو ایکسپوز کر دیا ہے۔ان کا کہنا تھا کہ آج حکومتی امیدوار ہی جیتیں گے۔ 

واضح رہے کہ چیئرمین سینیٹ کے انتخاب کیلئے معرکہ آج لگے گا ، حکومتی اتحاد کے پاس 47 اور اپوزیشن کے پاس 51 ارکان ہیں ۔ جماعت اسلامی نے کسی کو بھی ووٹ نہ دینے کا اعلان کیا ہے۔  حکومتی امیدوار صادق سنجرانی اور پی ڈی ایم کے یوسف رضا گیلانی آمنے سامنے ہیں۔  ڈپٹی چیئرمین  سینیٹ کیلئے  عبدالغفور حیدری اور مرزا آفریدی  میدان میں ہیں  ۔