امریکی صدربائیڈن 4 جولائی تک کورونا سے نجات حاصل کرنے کیلئے پرعزم

غیر ملکی خبررساں ادارے کے مطابق امریکی صدربائیڈن نے  کورونا کےخلاف کوششیں تیزکردی ہیں۔ صدر جو بائیڈن نے امریکا میں لاک ڈاؤن  کو ایک سال مکمل ہونے پر خصوصی تقریرمیں انہوں نے امریکی ریاستوں کو ہدایت کی  ہے کہ وہ تمام بالغ افراد کو یکم مئی تک  کورونا وائرس ویکسین لازمی لگوا دیں ۔

ان کا کہنا تھا کہ وہ 4 جولائی کے یوم آزادی کی تعطیل تک ملک  کومعمول  پرلانےکےلئےویکسین مہم  کو تیز کرنے پر کام کر رہے ہیں اگر ہم الرٹ نہیں رہتے توہمیں پابندیاں لگانا پڑسکتی ہیں ۔ ابتدا میں وائرس کو"دن ، پھر ہفتوں ، مہینوں  تک نظراندازکیا گیا ، جس کی وجہ سے زیادہ اموات ، زیادہ انفیکشن ، زیادہ تناؤ پیداہوا ۔

امریکی صدر نےکہا کہ ہم مل کر یہ کام کرتے ہیں تو  04 جولائی تک  آپ ، آپ کے اہل خانہ اور دوست احباب آپ کے گھرمیں جمع ہو سکتے ہیں اور یوم آزادی منا سکتے ہیں۔ انہوں نے کہا کہ ملک نہ صرف یوم آزادی بلکہ اس وائرس سے بھی  آزادی کا جشن منا سکے گا۔ اور اس  ٹارگٹ  کو حاصل کرنے کے لئے امریکیوں کی مدد کی ضرورت ہے۔

امریکی صدر نے مزید  کہا کہ اس سلسلے میں  مزید امریکی فوجی ویکسینیشن کی کوششوں میں مدد کریں گے۔

بائیڈن نے"ایشیائی امریکیوں کے خلاف گھناؤنے نفرت انگیز جرائم" کے خاتمے کا مطالبہ کیا۔ ان کا کہنا تھا کہ ایشئیائی امریکیوں  کےخلاف وائرس کی وجہ سےنفرت انگیز جرائم اور ہراساں کرنا بند ہونا چاہئے۔   یہ غلط  اورغیر امریکی  رویہ ہےاور اسے رکنا چاہئے۔

علاوہ ازیں امریکی صدر جوبائیڈن نے 19 کھرب ڈالر کے کورونا ریلیف پیکج کی منظوری بھی دی ہے ۔ امریکا میں کرونا بحران کے دوران عوام کو سہولیات دینے کےلیے ریلیف پیکج دیا گیا تھا جس کی دوبارہ منظوری سابق ڈونلڈ ٹرمپ کے اختتامی دور میں رُک گئی تھی۔

واضح رہے کہ امریکہ  کورونا ست متاثرہ ممالک میں سرفہرست ہے ، امریکہ میں  اب تک کورونا وائرس سے 5لاکھ  سے زائد افراد ہلاک اور 29 ملین سے زائد متاثر ہوچکے  ہیں۔