مونس الہی  اور  اسپیکر قومی اسمبلی کا  ٹیلیفونک رابطہ ، بڑی یقین دہانی کرادی

تفصیلات کے مطابق  مسلم لیگ ق کے رہنما چوہدری مونس الٰہی کا اسپیکر قومی اسمبلی اسد قیصر سے ٹیلیفونک رابطہ ہوا ہے، ملکی موجودہ معاشی و سیاسی صورتحال اور باہمی دلچسپی کے امور پر تبادلہ خیال  کیا۔

اسپیکر قومی اسمبلی اسد قیصر نے کہا ہے کہ  وزیر اعظم پاکستان عمران خان کی قیادت میں موجودہ حکومت کی بہتر معاشی پالیسیوں کی بدولت ملک ترقی کی راہ پر گامزن ہے، ملک میں جمہوری اداروں کا استحکام ملکی ترقی اور خوشحالی کے لیے ناگزیر ہے، قائدآنہ صلاحیتوں کی بدولت ملک معاشی ترقی کی راہ پر گامزن ہے۔

 اسپیکر قومی اسمبلی  نے کہا کہ  مسلم لیگ ق نے ہمیشہ رواداری اور ملکی مفاد کو مدنظر رکھتے ہوے فیصلے کیے ہیں۔ ملک کو درپیش چیلنجز سے نکالنے کے لیے تمام سیاسی جماعتوں کو مل کر کام کرنے کی صرورت ہے۔

چوہدری مونس الٰہی نے اس موقع پر کہا کہ  حکومت کے اتحادی ہیں اور حکومت کے ساتھ کھڑے ہیں، وزیر اعظم کے خلاف تحریک عدم اعتماد پر اپوزیشن کے ساتھ تعاون کی یقین دہانی کا غلط تاثر دیا جا رہا ہے۔ اپوزیشن رہنماؤں سے مسلم لیگ ق کے رہنماؤں کی ملاقاتیں سیاسی عمل کا حصہ ہیں۔

 چوہدری مونس الہی  نے مزید کہا کہ  معاشی اشاریے مثبت ہیں اور ملک میں سیاسی اور معاشی استحکام ہے۔ وزیر اعطم عمران خان کی قائدانہ صلاحیتوں پر اعتماد ہے۔