ظفروال: پولیس نےمنشیات سمگل کرنے کی کوشش ناکام بنا دی

جی این این کے مطابق پولیس نے کارروائی کر کے    چمن سے ظفروال چرس سمگل کرنے والے 3 ملزمان  کو گرفتار کر لیا ، ملزمان کے قبضے سے 28 کلو چرس برآمدکر لی گئی ۔ ڈی ایس پی ظفروال  نے پریس کانفرنس میں بتایا کہ ملزمان کو خفیہ اطلاعات کی بنیاد پر گرفتار کیا  گیا ہے ،تمام ملزمان سیالکوٹ، نارووال، ظفروال میں مختلف مقامات پر چرس فروخت کرتے تھے۔

ڈی ایس پی زاہد کے مطابق  2ملزمان کا تعلق چمن سے ہے اور دونوں سگے بھائی ہیں، اور ایک ملزم سیالکوٹ کا رہائشی ہے۔  ملزمان میں عبدالرحمان، اسماعیل، مقصود شامل ہیں۔