آسٹریلیا میں طوفانی بارشوں سے50 سال کا سب سے بد ترین سیلاب

غیر ملکی خبر رساں ادارے کے مطابق  آسٹریلیا میں شدید بارشوں کے باعث مشرقی ساحلی پٹی کو 50 سالوں کے بدترین سیلاب کا سامنا ہے، مسلسل بارشوں سے دریاؤں اور ڈیمز میں پانی کی سطح بلند ہوگئی ہے، سڈنی کے نشیبی علاقوں میں ہزاروں افراد کو راتوں رات انخلاء کے احکامات جاری کئے گئے۔

بارشوں نے نیو ساؤتھ ویلز میں تباہی مچادی ہے، کئی علاقے ڈوبنے سے اہم شاہرایں بند ہوگئی ہیں جبکہ متعدد گھروں کو بھی نقصان پہنچا ڈیمز میں پانی کی حد آخری حد تک پہنچ گئی ہے، 13 علاقوں میں ابھی سیلاب کی وارننگ  ہے۔نیو ساؤتھ ویلز میں کورونا ویکسین کی ڈلیوری کا عمل بھی متاثر ہوا، متاثرہ علاقوں سے سیکڑوں خاندان سڈنی کے قریب کیمپوں میں منتقل ہو گئے۔