لاک ڈاؤن کے دوران مارکیٹس بند رکھنے کے شیڈول میں تبدیلی

تفصیلات کے مطابق  محکمہ پرائمری اینڈ سیکنڈری ہیلتھ کیئر لاک ڈاؤن کے دوران مارکیٹس بند رکھنے کے شیڈول میں تبدیلی کردی۔راولپنڈی، جہلم،شیخوپورہ،چنیوٹ،خانیوال،اور ڈیرہ غازی خان میں مارکیٹس اتوار کو کھلی رکھنے کی اجازت دی گئی ہے۔سیکرٹری محکمہ پرائمری اینڈ سیکنڈری ہیلتھ کیئر کی جانب سے نوٹیفیکیشن جاری کردیا۔

ترجمان محکمہ پرائمری اینڈ سیکنڈری ہیلتھ کیئر کا کہنا ہے کہ  6اضلاع میں تاجر حضرات نئے احکامات کے مطابق جمعہ ہفتہ کو مارکیٹس بند رکھیں گے اور اتوار کوکام کرسکیں گے۔ راولپنڈی، جہلم، شیخوپورہ، چنیوٹ، خانیوال اور ڈیرہ غازی خان میں جمعہ ہفتہ مارکٹس بند رہیں گی۔ متعلقہ اضلاع میں مارکیٹس صوبہ بھر میں نافذ کیے گئے احکامات کے مطابق 6 بجے ہی بندہوں گی۔

ترجمان محکمہ پرائمری اینڈ سیکنڈری ہیلتھ کیئر کا کہنا ہے کہ   راولپنڈی، جہلم، شیخوپورہ، چنیوٹ، خانیوال اور ڈیرہ غازی خان کے لاک ڈاؤن آرڈرز میں ترمیم مقامی ضرورت کے پیش نظر کی گئی ہے۔