اگر ضمنی الیکشن لڑنے ہیں تو پھر استعفے کس بات پر دیں؟ چودھری منظور

جی این این کے پروگرام " ویوپوائنٹ"  میں  رہنما پاکستان پیپلزپارٹی چودھری منظور نے کہا کہ پاکستان ڈیموکریٹک موومنٹ پیپلز پارٹی نے ہی بنائی، کوشش کر رہے ہیں کہ پی ڈی ایم قائم رہے۔ لانگ مارچ پر ہمارا کوئی اختلاف نہیں ہے،اختلاف  لانگ مارچ کو استعفوں سے منسلک کرنے پر ہے۔

اگر ضمنی الیکشن لڑنے ہیں تو پھر استعفے کس بات پر دیں؟ چودھری منظور @MediaCellPPP @pasha_samina @PTIofficial pic.twitter.com/oDTQjw7Kad

— GNN (@gnnhdofficial) March 21, 2021

 چودھری منظور نے کہا کہ  اگر استعفے دے دیتے ہیں تو پھر اس کے بعد کیا کرنا ہے،اگر ضمنی الیکشن لڑنے ہیں تو پھر استعفے کس بات پر دیں۔ایک طرف استعفے دوسری طرف شاہد خاقان الیکشن میں حمایت کیلئےپہنچ گئے۔انہوں نے کہا کہ قومی اسمبلی میں ن لیگ کی اکثریت ہے وہاں ان کا اپوزیشن لیڈر ہے،بینظیر بھٹو  قتل میں جن کا نام ہے ن لیگ اس کو اپوزیشن لیڈر لانا چاہ رہی ہے، مسلم لیگ (ن)تھوڑا سا دل بڑا رکھے اور امید ہے رکھیں گے۔مریم نواز کی  نیب پیشی سے متعلق ہمارے ساتھ  کوئی بات نہیں ہوئی۔