مقبوضہ کشمیر میں بھارتی فوج کی بربریت سے مزید 4 کشمیری نوجوانوں شہید

کشمیر میڈیا سروس (کے ایم ایس) کے مطابق مقبوضہ کشمیر میں قابض بھارتی فوج کی ریاستی دہشتگردی جاری ہے،قابض بھارتی فوج نے ضلع شوپیاں کے علاقے مانیہال کا محاصرہ کیا اور سرچ آپریشن کی آڑ میں فائرنگ کرکے چار کشمیری نوجوانوں کو شہید کردیا۔بھارتی مظالم کے خلاف گھروں سے باہر نکل آئے اور بھارتی فوج کے احتجاج بھی کیا۔

دوسری جانب مقبوضہ وادی میں کشمیر لبریشن الائنس اور اہل جموں و کشمیر کی جانب سے یوم پاکستان مبارک کے پوسٹرز آویزاں کئے گئے ہیں۔پوسٹرز میں قائد اعظم محمد علی جناح اورحریت رہنماؤں کی تصویریں بھی موجود ہیں۔

واضح رہے کہ بھارتی فوج کی جانب سے مقبوضہ کشمیر میں انٹرنیٹ اور موبائل فون سروس بند ہے۔گذشتہ ہفتے بھی ضلع شوپیاں ہی میں تین کشمیری نوجوانوں کو شہید کیا گیا تھا، کارروائی میں کشمیریوں کی املاک کو بھی بڑے پیمانے پر نقصان پہنچایا گیا تھا۔مقبوضہ کشمیر میں یوم پاکستان کی مناسبت سے پوسٹرز لگ گئے، سری نگر میں لگے ان پوسٹرز پر قائد اعظم اور حریت لیڈروں کی تصاویر موجود ہیں۔