سعودی قیادت کی وزیراعظم عمران خان کی جلد صحت یابی کے لیے دعا

تفصیلات کے مطابق سعودی قیادت کی جانب سے وزیراعظم عمران خان کی خیریت اور نیک خواہشات کے لئے خط لکھا گیا۔خط میں سعودی فرمانرواشاہ سلمان بن عبد العزیز نے کہا کہ وزیراعظم عمران خان کےجلدصحت یاب ہونے کے لئے دعاگو ہیں جبکہ ولی عہدشہزادہ محمدبن سلمان کا کہنا تھا کہ عمران خان کےلئے دلی طور پر نیک خواہشات رکھتے ہیں۔

خیال رہے دو روز قبل وزیراعظم عمران خان اور ان کی اہلیہ بشری بی بی میں کورونا وائرس کی تشخیص ہوئی ہے۔ انہوں نے خود کو گھر میں قرنطینہ کر لیا ہے۔ وزیراعظم عمران خان میں کورونا کی علامات شدید نہیں ہیں، ان کو ہلکی کھانسی اور ہلکا سا بخار ہے۔

وزیراعظم عمران خان کی جلد صحتیابی کیلئے عالمی رہنماؤں کی جانب سے دعاؤں اور نیک خواہشات کا اظہار کیا جارہا ہے۔بھارتی وزیراعظم نریندرمودی،قطر کے امیر اور مالدیپ اور ورلڈ اکناک فورم کے صدور سمیت امریکی سفارتخانہ اور برطانوی ہائی کمشنر کرسچین ٹرنر نے نیک خواہشات کااظہارکرتے ہوئے وزیراعظم کی صحتیابی کیلئے دعا کی۔