حریم شاہ نے مبینہ قاتلانہ حملے کا مقدمہ سہیلی پر درج کرادیا

مقامی میڈیا سے مطابق  ٹک ٹاک گرل حریم شاہ کی در خواست پر اسلام آباد کے تھانہ گولڑہ شریف میں قاتلانہ حملے کا مقدمہ درج کرلیا گیا۔حریم شاہ نے مبینہ قاتلانہ حملے کا مقدمہ اپنی سہیلی  عائشہ اور ان کے ساتھی بہادر شیر پر درج کروایا ہے۔

حریم شاہ نے درخواست میں کہا ہے کہ و ہ کراچی کی رہائشی ہیں اور16مارچ کو   اسلام آباد ایک شو کیلئے آئی تھی۔وہ ایک فلیٹ میں مقیم تھی جہاں 18 مارچ کو  عائشہ ناز اور ان کے ساتھی نے انہیں  تشدد کا نشانہ بنایا اور فون پر بھی سنگین نتائج کی دھمکیاں دیتے رہے۔

اسلام آباد پولیس کی جانب سے  ملزمان کے خلاف قتل، سنگین نتائج کی دھمکیاں دینے اور خاتون کی بےحرمتی کے الزامات میں دفعہ 452، 506 اور 354 کے تحت مقدمہ درج کرلیا گیا ہے۔