پاکستانی بیڈمنٹن اسٹار ماحور شہزاد پولینڈ انٹرنیشنل ٹورنامنٹ جیتنے کیلئے پرعزم

تفصیلات کے مطابق  پاکستان کی نمبر1 بیڈ منٹن پلئیر ماحور شہزاد پولش انٹرنیشنل ٹورنامنٹ میں حصہ لینے کیلئے پولینڈ روانہ ہوگئی ہیں۔ پولینڈ روانگی سے قبل ماحور شہزاد نے سماجی رابطے کی ویب سائٹ  ٹوئٹر پر جاری پیغام میں کہا کہ " کوویڈ 19 کی صورتحال میں اکیلے سفر کرنا خطرے سے خالی نہیں۔ انہوں نے کہا کہ اولمپکس میں پاکستان کی نمائندگی کےلیے اس موقع سے فائدہ اٹھانا ہے۔ماحور نے قوم سے دعا کی اپیل کرتے ہوئے کہا کہ قوم ان کی کامیابی کیلئے دعا کریں تاکہ ملک کا نام عالمی سطح پر روشن ہوسکے۔

Travelling to Poland ?? for the Polish International Badminton tournament. Travelling alone in these unforseen circumstances (COVID-19) is a huge risk. However, if I am to represent Pakistan in the Olympics 2021, I must avail this opportunity. Do pray that I make Pakistan proud. pic.twitter.com/R2qG513xIZ

— Mahoor Shahzad (@OfficialMahoor) March 24, 2021

ماحور شہزاد سابق بیڈمنٹن کھلاڑی اور تجربہ کار روور  محمد شہزاد کی بیٹی اور ویٹ لفٹر رابعہ شہزاد کی بہن ہیں۔ انہوں نے 11 سال کی عمر میں بیڈ منٹن کھیلنا شروع کیا تھا اور وہ کورٹ میں  اپنے حریف کیخلاف تیز ترین شاٹس کھیلنے میں مہارت رکھتی ہیں ۔  ماحور شہزاد  2017  میں پاکستان انٹرنیشنل ٹورنامنٹ میں خواتین کی سنگلز چیمپئن  رہ چکی ہیں ، وہ  2014 ایشین گیمز ، اور 2018  میں کامن ویلتھ گیمز میں بھی حصہ لے چکی ہیں ۔