اینٹی کرپشن کے نام پر بے روزگار نوجوانوں کو نوکری کا جھانسہ دینے والا گروہ گرفتار

جی این این کے مطابق اینٹی کرپشن حکام کاکہنا ہےکہ  بابا بگا اور قمر لطیف نامی شخص نے سادہ لوح عوام سے اینٹی کرپشن میں نوکری  دلوانے  کا جھانسہ د ےکر  لاکھوں روپے لوٹے،   شاطر جعلسازوں سے سٹیشنری اور  چودہ جعلی اپوائنٹمنٹ لیٹرز بھی برآمد کر لیے گئے ۔ اینٹی کرپشن حکام کے مطابق  ملزمان ڈی جی اینٹی کرپشن کے جعلی دستخط کرکے لوگوں کو گمراہ کرتے تھے۔ ملزمان نے اینٹی کرپشن انسپکٹر، سب انسپکٹر، اور کانسٹیبل کے لیٹرز جاری کرکے عوام کو لوُٹتے رہے ہیں  ۔

 اینٹی کرپشن فیصل آباد نے کاروائی کرکے جعلسازوں کو گرفتار کر کے پرچہ دے دیا ۔ ملزمان سے ڈیڑھ لاکھ روپے کیش بھی برآمد کر لیا گیا ہے ۔  ملزم بابا بگا عرف سرور  نے ڈجکوٹ میں اپنی  درگاہ بنا رکھی تھی  اور ملزم  اپنی درگاہ پر آنے والے سادہ لوح لوگوں سے اینٹی کرپشن میں نوکری کا جھانسہ دے کر پیسے بٹورتا تھا۔ جبکہ ملزم لطیف قمر جعلی لیٹر بنا کر دیتا تھا۔ ملزمان لوگوں سے تین لاکھ سے پچاس ہزار تک ڈیل کرتے تھے۔ اینٹی کرپشن نے ملزمان کو گرفتار کرکے تحقیقات کا دائرہ وسیع کر دیا ہے ۔