پاکستان کا 34 رکنی اسکواڈ جنوبی افریقہ روانہ

تفصیلات کے مطابق پی کے 6721 میں پاکستان کرکٹ ٹیم اور پی سی بی کے حکام موجود ہیں ، جہاز میں قومی ٹیم کا 34 رکنی سکواڈ سوار ہے اور فلائٹ چارٹرڈ کی گئی ہے ۔ پاکستان کرکٹ بورڈ کی جانب سے جاری ایک بیان کے مطابق قومی اسکواڈ کے ارکان میں 21 کھلاڑی اور 13 ٹیم آفیشلز شامل ہیں۔مڈل آرڈر بیٹسمین سعود شکیل پاؤں کی انجری کا شکار ہوکر دورۂ جنوبی افریقہ سے باہر ہوگئے ۔قومی ون ڈے اسکواڈ میں آصف علی کو شامل کر لیا گیا ہے۔

?? ???#SAvPAK #HarHaalMainCricket #BackTheBoysInGreen pic.twitter.com/lkB4LuaQcp

— Pakistan Cricket (@TheRealPCB) March 26, 2021

گزشتہ روز دورہ جنوبی افریقہ میں شامل قومی اسکواڈ کے تمام 35 ارکان کے کورونا ٹیسٹ کی رپورٹ منفی آئی تھی ۔  پاکستان ٹیم نے ابتدائی طور پر گزشتہ برس اکتوبر میں جنوبی افریقہ  کا دورہ کرنا تھا لیکن  کورونا وبا کی وجہ سے دورہ ممکن نہیں ہو سکا تھا۔

شیڈول کے مطابق ون ڈے میچز دو اپریل کو سینچورین، 4 اپریل کو جوہانسبرگ اور 7 اپریل کو سینچورین میں ہوں گے۔ 10 اور 12 اپریل کو ٹی20 میچز  جوہانسبرگ جبکہ 14 اور 16 اپریل کو سینچورین میں کھیلے جائیں گے ۔

پاکستان کرکٹ بورڈ کے مطابق پاکستان کرکٹ ٹیم اپریل میں جنوبی افریقہ کے خلاف وائٹ بال کرکٹ کی سیریز بھی کھیلے گی۔دورہ جنوبی افریقا کے بعد قومی ٹیم زمبابوے روانہ ہو جائے گی جہاں 17 اپریل سے سیریز شروع ہو گی، پاکستان اور زمبابوے کے درمیان دو ٹیسٹ اور 3 ٹی ٹوئنٹی میچز کھیلے جائیں گے۔ قومی ٹیم دورہ جنوبی افریقہ اور زمبابوے مکمل کرکے 12 مئی کو وطن واپس پہنچے گی ۔