تیز رفتار کار بے قابو ہوکر درخت سے ٹکرا گئی،نوجوان جاں بحق

جی این این کے مطابق حادثہ لاہور کے علاقے چوہنگ میں  میاں چوک کے قریب  پیش آ یا  جہاں  تیز رفتار کار بے قابو ہو کر درخت سے ٹکرا گئی جس کے نتیجے میں 26سالہ  نوجوان موقع پر دم توڑ گیا جبکہ ایک  نوجوان زخمی ہے ۔ پولیس کے مطابق جاں بحق نوجوان اورزخمی دونوں بھائی ہیں۔ حادثے کی اطلاع ملتے ہی پولیس اورریسکیو1122 موقع پر پہنچیں  اور زخمی   اورجاں بحق   نوجوان  کو  ہسپتال منتقل کردیا ۔

واضح رہے کہ عالمی ادارہ صحت کے مطابق پاکستان میں سالانہ 35 ہزار لوگ سڑک حادثات میں جاں بحق ہوجاتے ہیں، جبکہ 50 ہزار سے زائد افراد زخمی اور عمر بھر کی معذوری سے دوچار ہوتے ہیں۔ حکومتی رپورٹ کے مطابق پاکستان میں ہر پانچ منٹ کے بعد ٹریفک حادثہ پیش آتا ہے، جس میں کوئی نہ کوئی شخص زخمی یا  جاں بحق ہوجاتا ہے۔