پاکستان کرکٹ ٹیم جنوبی افریقہ پہنچ گئی

تفصیلات کے مطابق دونوں ٹیموں کے درمیان ٹی 20 میچز10 ،12 ،14 اور16 اپریل کو ہوں گے،جنوبی افریقا سے سیرکز کے بعد پاکستان ٹیم ٹیسٹ سیریز کھیلنے زمبابوے جائے گی ۔

یاد رہے گزشتہ روز دورہ جنوبی افریقہ میں شامل قومی اسکواڈ کے تمام 35 ارکان کے کورونا ٹیسٹ کی رپورٹ منفی آئی تھی ۔  پاکستان ٹیم نے ابتدائی طور پر گزشتہ برس اکتوبر میں جنوبی افریقہ  کا دورہ کرنا تھا لیکن  کورونا وبا کی وجہ سے دورہ ممکن نہیں ہو سکا تھا۔

 شیڈول کے مطابق ون ڈے میچز دو اپریل کو سینچورین، 4 اپریل کو جوہانسبرگ اور 7 اپریل کو سینچورین میں ہوں گے۔ 10 اور 12 اپریل کو ٹی20 میچز  جوہانسبرگ جبکہ 14 اور 16 اپریل کو سینچورین میں کھیلے جائیں گے ۔

 پاکستان کرکٹ بورڈ کے مطابق پاکستان کرکٹ ٹیم اپریل میں جنوبی افریقہ کے خلاف وائٹ بال کرکٹ کی سیریز بھی کھیلے گی۔دورہ جنوبی افریقا کے بعد قومی ٹیم زمبابوے روانہ ہو جائے گی جہاں 17 اپریل سے سیریز شروع ہو گی، پاکستان اور زمبابوے کے درمیان دو ٹیسٹ اور 3 ٹی ٹوئنٹی میچز کھیلے جائیں گے۔ قومی ٹیم دورہ جنوبی افریقہ اور زمبابوے مکمل کرکے 12 مئی کو وطن واپس پہنچے گی ۔