اپوزیشن لیڈرکامعاملہ، مولانا نے ن لیگ کو کیا مشورہ دیا؟ عمران یعقوب نے بتادیا

جی این این کے پروگرام "ویو پوائنٹ" میں سینئر صحافی و تجزیہ کار عمران یعقوب خان نے گفتگو کرتے ہوئے کہا کہ  آج سینیٹ کے اپوزیشن لیڈرکے معاملےپر مولانا فضل الرحمان نے نواز شریف اور مریم نواز سے ٹیلیفونک رابطہ کیا جس میں مولانا نے کہا کہ اگر مسلم لیگ ن نے اس معاملے پر سخت موقف اختیار کیا اور میڈیا سے مزید گفتگو کی تو اس کا نقصان اٹھانا پڑے گا۔لہذا پی ڈی ایم کے اگلے اجلاس تک کسی بھی قسم کا درعمل دینے سے گریز کریں۔

نواز، زرداری اور مولانا متحرک۔۔۔ واقفان حال کی بڑی خبر @imranyaqubkhan @PTIofficial @pmln_org @MediaCellPPP #ViewPoint #GNN pic.twitter.com/0twmpdZZ2o

— GNN (@gnnhdofficial) March 26, 2021

عمران یعقوب خان نے مزید کہا کہ شریف  خاندان کے مابین ٹیلفونک رابطہ ہوا تھا جس میں یہ بات چیت ہوئی تھی کہ اگر پیپلزپارٹی استعفے نہیں دیتی تو  کیامسلم لیگ ن کو استعفے دینے چاہیے؟ جس پرکہا گیا کہ اگر ن لیگ نے استعفے دے دیئے تو پھر  پیپلز پارٹی قومی اسمبلی میں بھی اپنا آپوزیشن لیڈر لے آئے گئی اور یوں  پیپلز پارٹی کی سسٹم میں زیادہ جگہ بن جائے گی۔لہذایہ فیصلہ ہوا کہ اگر پیپلز پارٹی استعفے نہیں دیتی تو ن لیگ بھی استعفے نہیں دے گی۔