سچن ٹنڈولکر کورونا وائرس کاشکار ہوگئے

تفصیلات کے مطابق 47 سالہ  سچن ٹنڈولکر کا شمار  دنیائے کرکٹ کی تاریخ کے عظیم ترین بلے بازوں میں شمار ہوتا ہے  ۔ حال ہی میں  سماجی رابطے کی ویب سائٹ ٹوئٹر پر بھارتی کرکٹر سچن ٹنڈولکر نے ایک ٹویٹ میں کورونا میں مبتلا ہونے کی   تصدیق کی ہے ۔ انہوں نے لکھا    کہ " تمام تر احتیاط کے باوجود میرا کورونا ٹیسٹ مثبت آگیا ہے ، انہیں کورونا کی ہلکی علامات ہیں جبکہ خاندان کے باقی افراد کا ٹیسٹ منفی آیا ہے ۔"  ان کاکہنا تھا کہ"  میں نے اپنے آپ کو گھر پر قرنطینہ  کرلیا ہے او ڈاکٹروں کے مشورے کے مطابق تمام ضروری احتیاطی تدابیر اختیار کر رہا  ہوں۔"

pic.twitter.com/dOlq7KkM3G

— Sachin Tendulkar (@sachin_rt) March 27, 2021

خیال رہے کہ حال ہی میں  بھارتی کرکٹر نے روڈ سیفٹی ورلڈ سیریز چیلنج ٹورنامنٹ میں حصہ لیاتھا ۔

واضح رہے کہ بھارت کورونا سے متاثرہ ممالک کی فہرست میں دوسرے نمبر پر ہے ،  بھارت  میں کورونا سے متاثرہ افراد کی تعداد ایک کروڑ 19 لاکھ 8 ہزار سے زائد  ہوچکی ہے اور ایک لاکھ 61 ہزار 275 افراد جان کی بازی ہار چکے ہیں۔