بورے والا: مبینہ پولیس مقابلے میں 2 ڈاکو مارے گئے

جی این این کے مطابق تھانہ ماڈل ٹاوٴن کے علاقہ لاٹ بھٹیاں  کے قریب نامعلوم مسلح افراد نے پولیس وین پر فائرنگ کردی ، پولیس کے مطابق زیرحراست ڈاکووں کو ریکوری کیلیے لیجارہے تھے اس دوران  زیر حراست ڈاکووٴں کو چھڑوانے کے لیے ساتھی ڈاکووٴں نے فائرنگ کی ۔     پولیس کے مطابق اس موقع پر   ڈاکووٴں نے ہتھکڑی سمیت فرار ہونے کی  بھی کوشش  کی،  فائرنگ کے تبادلے میں زیر حراست دونوں ڈاکو اپنے  ہی ساتھیوں کی فائرنگ سے مارے گئے۔فائرنگ کے تبادلے میں ایک پولیس اہلکار بھی زخمی  ہوگیا۔

ہلاک ہونے والے ڈاکووٴں کی شناخت نعمان سکنہ کریم پارک لاہور اور فیض رسول 166 نو ایل کے نام سے ہوئی  ہے ۔ دونوں ڈاکو پولیس کی حراست میں تھے۔ پولیس نے لاشیں پوسٹ مارٹم کے لیے اسپتال منتقل کر کے قانونی کارروائی شروع کر دی ہے۔