کورونا وائرس کے شکار مزید 2افرادانتقال کرگئے

تفصیلات کے مطابق قومی ادارہ صحت نے ملک میں کورونا وائرس کے حوالے سے گزشتہ24گھنٹوں کے اعداد و شمار جاری کیے ہیں جن کے مطابق کورونا کے شکار مزید 2 افراد انتقال کرگئے۔

ادارے کی جانب سے سے جاری رپورٹ کے مطابق گزشتہ روز کورونا کے 650 کیسز رپورٹ ہوئے جبکہ ملک بھر میں کورونا کے 138مریضوں کی حالت تشویشناک بتائی گئی ہے۔

قومی ادارہ صحت کے مطابق گزشتہ 24 گھنٹوں میں مجموعی طور پر کورونا کے 16 ہزار 755 ٹیسٹ کیے گئے جبکہ ملک میں کورونا کے مثبت کیسز کی شرح 3.88 فیصد رہی۔