امریکہ نے چوروں اورڈاکوؤں کو ہم پر مسلط کر دیا:عمران خان

چیئرمین پاکستان تحریک انصاف عمران خان نے اپنے ویڈیو بیان میں کہا کہ  آج ان لوگوں کو ہم پر مسلط کر دیا گیا ہے جن پر اربوں روپے کرپشن کے کیسز چل رہے ہیں، جنہوں نے 30 سال کے دوران صرف منی لانڈرنگ، دنیا بھر میں نواز شریف کی کرپشن پر فلمیں بنی ہوئی ہیں، زرداری کو مسٹر 10 پرسن کہا گیا، ان کا صرف ایک ہی مقصد تھا کہ کسی طرح دوسری بار کی ہوئی کرپشن پر این آر او مل جائے۔

سابق وزیر اعظم نے کہا کہ 5 جولائی کو ملک میں مارشل لاء لگا تھا جس کے نتیجے میں ذوالفقار علی بھٹو کی حکومت ختم کی گئی، امریکہ کو ذوالفقار علی بھٹو کی حکومت بھی پسند نہ تھی، امریکہ پاکستان ایک آزاد خارجہ پالیسی پر خوش نہیں تھا، ذوالفقارعلی بھٹو بھی پاکستان کو آزاد خارجہ پالیسی کی طرف لے کر جا رہے تھے اس لیے ان عبرتناک سزا کی دھمکیاں دی گئیں۔

انہوں نے کہا کہ عارف حمید بھٹی مجھ پر بہت تنقید کرتے ہیں، اس کو بھی دھمکیاں دی جا رہی ہیں، ڈاکٹر معید پیرزادہ کو خوف دلایا جا رہا ہے، ڈرایا جا رہا ہے، تحریک انصاف کے سوشل میڈیا ہیڈ ڈاکٹر ارسلان کے گھر میں گھس گئے اس کے کزن اندر گھس کے اسے پکڑ کر مارا گیا، انہوں نے خوف پھیلایا ہوا ہے۔

سابق وزیر اعظم نے کہا کہ اسی دوران کچھ بات چیت کے لیے ٹک ٹاکرز اور یوٹیوبرز میرے پاس آئے، ان کو بھی کالز چلی گئیں کہ آپ نے یہ نہیں کہنا، یہ نہیں لکھنا، اپنی عدالیہ سے سوال پوچھتا ہوں کہ کیا پاکستان میں بنیادی حقوق معطل ہو گئے ہیں؟ کیا یہاں مارشل لاء لگ گیا ہے؟ ان چیزوں کی اجازت کون سا آئین دیتا ہے۔

چیئرمین تحریک انصاف نے کہا کہ میں نے کبھی پاکستان میں اس طرح کا فاشزم نہیں دیکھا، یہ وہ دور نہیں جب ایک سرکاری ٹی وی ہوتا تھا جس سے انفارمیشن روک لی جاتی تھی، یہ سوشل میڈیا کا دور ہے جس کو روکنا ان کے بس میں نہیں، جو چینل حق کے ساتھ کھڑے ہیں ان کی ریٹنگ کہاں پہنچ چکی، جو کچھ اس عمر میں ایاز میر کے ساتھ کیا گیا وہ پوری قوم کے لیے شرمناک ہے، عمران ریاض کے ساتھ جو کیا جارہا وہ غدار نہیں ہے، وہ ایک محب وطن ہے اس کے لاکھوں چاہنے والے ہیں۔