عمران خان صحافیوں کو ملنے والی دھمکیوں کے خلاف بول پڑے

اپنے ایک ویڈیو بیان میں سابق وزیر اعطم عمران خان نے کہا کہ عارف حمید بھٹی مجھ پر بہت تنقید کرتے ہیں، اس کو بھی دھمکیاں دی جا رہی ہیں، ڈاکٹر معید پیرزادہ کو خوف دلایا جا رہا ہے، ڈرایا جا رہا ہے۔

عمران خان نے کہا کہ ارشد شریف، صابر شاکر، سمیع ابراہیم، عدنان عادل،جمیل فاروقی جو بھی صحافی بک نہیں رہا ان کے خلاف جھوٹی ایف آئی آر کٹوائی جا رہی ہیں۔

انہوں نے کہا کہ تحریک انصاف کے سوشل میڈیا ہیڈ ڈاکٹر ارسلان کے گھر میں گھس گئے جہاں اس کی ماں تھی، بنہیں تھیں، اس کا کزن آیا ہوا تھا جسے 15، 20 لوگوں نے اندر گھس کے اسے پکڑ کر مارا، انہوں نے خوف پھیلایا ہوا ہے۔

سابق وزیر اعظم نے کہا کہ اسی دوران کچھ بات چیت کے لیے ٹک ٹاکرز اور یوٹیوبرز میرے پاس آئے، ان کو بھی کالز چلی گئیں کہ آپ نے یہ نہیں کہنا، یہ نہیں لکھنا۔

انہوں نے کہا کہ اپنی عدالیہ سے سوال پوچھتا ہوں کہ کیا پاکستان میں بنیادی حقوق معطل ہو گئے ہیں؟ کیا یہاں مارشل لاء لگ گیا ہے؟ ان چیزوں کی اجازت کون سا آئین دیتا ہے۔

عمران خان صحافیوں کے حق میں بول پڑے
سینئر تجزیہ کار عارف حمید بھٹی کو دھمکیاں#GNN @arifhameed15 @PTIofficial @ImranKhanPTI #WeStandWithArifHameedBhatti pic.twitter.com/Bsb1Gi7Ft1

— GNN (@gnnhdofficial) July 5, 2022

انہوں نے کہا کہ پنجاب میں جاری ضمنی انتخابات میں ہماری پارٹی کا جو کارکن بھی کمپین کے لیے نکلا ہوا ہے اس کو پکڑ کر جیل میں بند کر دیتے ہیں، اپنی عدلیہ سے ایک بار پھر پوچھتا ہوں کہ کیا پاکستان میں بنیادی حقوق معطل ہو گئے ہیں۔