میانمار میں فوجی بغاوت کے خلاف مظاہروں کا خونی ترین دن، 91 مظاہرین قتل

غیر ملکی خبر رساں ادارے کے مطابق  میانمار میں فوجی بغاو ت کے خلاف مظاہرے جاری ہیں ، سیکیورٹی فورسز نے  91 مظاہرین قتل کر دیئے ہیں ۔میانمار کے سرکاری ٹی وی پر جمعہ کو خبردار کیا گیا تھا احتجاج کرنے والوں کے سر میں گولی ماری جائے گی۔

میانمار کے آزاد میڈیا نے فورسز کے ہاتھوں  91 ہلاکتوں کی تصدیق کردی ہے،میانمار کے شہر مندالے میں پانچ سالہ بچے سمیت 29 افراد فورسز کے ہاتھوں مارے گئے۔دوسرے جانب  میانمار کے دو درجن نسلی گروپوں پر مشتمل کیرن نیشنل یونین نے فوج کے خلاف ہتھیار اٹھا لئے ،کیرن نیشنل یونین نے تھائی لینڈ بارڈر پر فوجی چوکی پر حملہ کر کے لیفٹیننٹ کرنل سمیت 10 فوجی کر دیئے ہیں ۔

واضح رہے کہ  میانمار میں فوجی بغاوت کے خلاف احتجاج کے دوران مظاہرین کی ہلاکتوں کی تعداد 400 سے تجاوز کر گئی۔

خیال رہے کہ میانمار میں فوج نے یکم فروری کی صبح جمہوری طور پر منتخب حکومت کے خلاف بغاوت کرتے ہوئے اقتدار پر قبضہ کرلیا تھا اور آنگ سان سوچی اور ان کی جماعت نیشنل لیگ فار ڈیموکریسی (این ایل ڈی) کے دیگر رہنماؤں کو حراست میں لے لیا تھا۔ میانمار میں فوجی بغاوت کیخلاف شدید احتجاج، پولیس کریک ڈاؤن سے حالات کشیدہ ہوگئے ہیں۔ پولیس کی فائرنگ سے اب تک کئی مظاہریں ہلاک ہو چکے ہیں جبکہ متعد مظاہرین گرفتار بھی ہیں ۔