عوامی مقامات پر ماسک نہ پہننے پر مقدمہ درج ہوسکتا ہے ، کمشنر لاہور

تفصیلات کے مطابق  کمشنر لاہور کیپٹن (ر) محمد عثمان  کورونا ایس او پی ز آگاہی کیلئے خود آگے آ گئے، کمشنر لاہور نے شہر کے مختلف علاقوں میں شہریوں میں ماسک تقسیم کیے۔کمشنر لاہور نے جیل روڈ سروسز اور داتا گنج بخش ٹاون میں ماسک تقسیم کیے۔کمشنر لاہور نے پیدل چلنے والوں اور بایئکرز و کار سواروں میں ماسک تقسیم کیے۔کمشنر لاہور نے شہریوں کو کورونا کیخلاف حکومتی ہدایات پر عمل کرنے کی بھی اپیل کی۔

کمشنر لاہور کیپٹن (ر)محمد عثمان کا کہنا ہے کہ  کورونا کی شدید لہر کا سامنا ہے۔شہریوں کے مکمل تعاون کے بغیر قابو پانا ناممکن ہے۔ پبلک مقامات مارکیٹوں،  دکانوں ،  پارکوں میں ماسک کی پابندی اور سماجی فاصلے کو چیک کیا جائے۔پبلک و پرائیویٹ گاڑی کے اندر موجود افراد بھی ماسک ہر صورت پہنیں چیک کیا جارہا ہے۔

کمشنر لاہور کا کہنا ہے کہ لاہور کے مختلف  پبلک مقامات  پر اے سی ز کی زیر نگرانی کورونا چیک پوسٹس قائم کر دی گئیں۔ عوامی مقامات پر ماسک نہ پہننے پر ایف آئی آر بھی دی جا سکتی ہے۔کورونا وباء ہے احتیاط جس کی شفاء ہے  پر عمل پیرا ہونا ہوگا۔