تیل کی قیمتوں میں کمی کی سمری پر وزیر خزانہ کا رد عمل

میڈیا رپورٹس کے مطابق تیل کی قیمتوں میں کمی کی سمری پر اپنے مؤقف کا اظہار کرتے ہوئے وزیر خزانہ مفتاح اسماعیل نے کہا ہے کہ پیٹرول کی قیمتوں سے متعلق کل پیٹرولیم ڈویژن کی سمری آئے گی۔

انہوں نے کہا کہ کل ہی سمری وزیراعظم کو بھجوا کر ان کی ہدایت کے مطابق فیصلہ ہوگا جبکہ پیٹرولیم مصنوعات کی نئی قیمتوں کا اعلان بھی کل بروز بدھ ہی کیا جائے گا۔

واضح رہے کہ وزیراعظم نے عالمی منڈی میں تیل کی قیمتوں میں کمی کے بعد وزارت پیٹرولیم اور وزارت خزانہ سے تیل کی قیمتوں میں کمی کی سمری طلب کی ہے۔