سری لنکن صدر ملک سے فرار، ایمرجنسی نافذ

تفصیلات کے مطابق بدترین  معاشی بحران اور احتجاج سے دوچار ملک سری لنکا کے صدر گوتابایا راجا پکشے ملک چھوڑ گئے ہیں  جبکہ حکومتی ذرائع نے ان کے مالدیپ پہنچ جانے کی تصدیق کی ہے۔

غیر ملکی  میڈیا کے مطابق سری لنکن صدر گوتابایا راجا پاکسے فوجی طیارے پر ملک سے فرار ہوئے ہیں۔  سری لنکن صدر گوتابایا راجا پاکسے کے ملک سے فرار ہونے کے بعد وزیرِ اعظم آفس کے ترجمان کا بیان سامنے آیا  ہے  جس میں  بتایا گیا ہے کہ صدر ملک سے باہر ہیں۔ ملک چھوڑنے سے چند گھنٹے قبل انہوں نے استعفٰی دینے کا فیصلہ بھی کیا تھا۔

گذشتہ ہفتے ہزاروں کی تعداد میں مظاہرین کے وزیراعظم ہاؤس میں گھسنے کے بعد راجا پکاسا نے مستعفی ہونے کا فیصلہ کیا تھا۔

ترجمان کا یہ بھی کہنا ہے کہ صدر کے ملک سے باہر ہونے کے باعث ایمرجنسی نافذ کردی گئی ہے۔ 

واضح رہے کہ دو روز قبل ہزاروں مظاہرین نے صدارتی محل پر دھاوا بول کر قبضہ کرلیا تھا۔مظاہرین کے حملے سے پہلے صدر اور وزیرِ اعظم کو بحفاظت نکال لیا گیا تھا۔