پنجاب حکومت کا شادی کی تقریبات پر مکمل پابندی عندیہ

پریس کانفرنس سے خطاب کرتے ہوئے فردوس عاشق اعوان نے کہا کہ پنجاب حکومت این سی او سی کی ہدایت پر مکمل عمل کر رہی ہے ، صوبے میں کورونا وائرس کی صورتحال خطرناک ہو گئی ہے ، گجرات اور گوجرانوالہ کے ہسپتالوں میں مریضوں کی تعداد سب سے زیادہ ہے ۔ان کا کہناتھا کہ صوبے بھر میں ماسک پہننا لازمی قرار دیدیا گیاہے اور خلاف ورزی کرنے والوں کے خلاف قانونی کارروائی ہو گی ۔ 

فردوس عاشق اعوان نے اپنے ایک بیان میں کہا کہ کورونا وائرس سے متعلق بازاروں اور مارکیٹوں کے بارے میں ترجیحات طے کرکے کل میڈیا سے شیئر کریں گے۔انہوں نے کہا کہ پنجاب میں شادی کی تقریبات پر مکمل پابندی کی تجویز بھی زیر غور ہے۔

دوسری جانب لاہورمیں کورونا وائرس کے مثبت کیسز کی شرح 23 فیصد ہو گئی ہے، سیکرٹری صحت پنجاب کا کہنا ہے صوبے کےآئی سی یوز میں 214 مریض ہیں۔ذرائع کا کہنا ہے کہ لاہور میں 15 روز کے لیے مکمل لاک ڈاؤن کی تجویز بھی زیر غور ہے۔