ملک بھر میں تمام ان ڈور آؤٹ ڈور تقریبات پر مکمل پابندی عائد

جی این این کے مطابق نیشنل کمانڈ اینڈ آپریشن سینٹر (این سی او سی) نے کورونا کے حوالے سے پابندیاں مزید سخت کرنے کافیصلہ کیا ہے،این سی او سی کا اجلاس آج وفاقی وزیر اسد عمر کی زیر صدارت خصوصی اجلاس صوبائی چیف سیکرٹریز کے ساتھ ہوا۔چیف سیکرٹریز نے کورونا پھیلاؤ کی شرح اورایس او پیز پر عملدرآمد پر بریفنگ دی،این سی او سی نے صوبوں کو ایس او پیز پر سختی سے عملدرآمد کی ہدایت کردی۔وفاقی وزیر نے کہاکہ ہسپتالوں میں مریضوں کی تعداد میں اضافہ ہورہا ہے ، ہسپتالوں میں مریضوں کے داخلے کی گنجائش ختم ہو رہی ہے ،انتظامیہ کی جانب سے ایس او پیز کا نفاذ ہماری حفاطت کیلئے ہے ،ہر ایک سے انتظامیہ سے تعاون کی درخواست ہے ۔

این سی اوی کی جانب سے جاری اعلامیے کے مطابق مُلک بھر میں تمام اقسام کی انڈور اور آؤٹ ڈور اجتماعات پر فی الفور پابندی عائد کر دی گئی ہے ، اجتماعات میں تمام اقسام کے سماجی, ثقافتی, سیاسی, سپورٹس اور دیگر اقسام بھی شامل ہیں۔ تاہم 5 اپریل سے شادی کی تقریبات پر ان ڈور اور آؤٹ ڈور مکمل پابندی عائد کرنے کا گیا ہے ۔ 

اعلامیے کے مطابق بین الاصوبائی ٹرانسپورٹ کم کرنے کے حوالے سے بھی مختلف آپشنز پر غور کیا گیا ہے ٹرانسپورٹ پر پابندی کے حوالے سے ختمی فیصلہ صوبوں سے ڈیٹا کی بنیاد پر کیا جائے گا۔ اس کے علاوہ صوبوں کو این سی او سی کی جانب سے ویکسی نیشن کے ٹارگٹس پورے کرنے کی ہدایت کی گئی ہے ، اور کہا گیا ہے کہ نمز میں ویکسی نیشن کے لیے درست اور بروقت ڈیٹا کی فراہمی یقینی بنائی جائے۔

این سی او سی کی جانب سے بتایا گیا کہ29 مارچ سے این سی او سی کی جانب سے صوبوں کو لاک ڈاؤن کے لیے تازہ ہاٹ سپاٹس کے نقشے فراہم کیے جائیں گے، صورتحال کے پیش نظر صوبائی انتظامیہ وقت سے پہلے پابندیاں عائد کرنے کے لیے بااختیار ہوگی۔