مریم نواز کورونا وائرس میں مبتلا ہوگئیں

تفصیلات کے مطابق مسلم لیگ ن کی نائب صدر مریم نواز نے سماجی رابطے کی ویب سائٹ ٹوئٹر پر اطلاع دیتے کورونا ٹیسٹ مثبت آنے کی تصدیق کردی ۔

Covid positive !

— Maryam Nawaz Sharif (@MaryamNSharif) July 16, 2022

کورونا ٹیسٹ مثبت آنے پر مریم نواز نے خود کو قرنطینہ کر لیا ہے ۔ مریم نواز کے ٹوئٹر پیغام  کے بعد  لیگی کارکنان ان کی صحتیابی کے لیے دُعائیں کر رہے ہیں۔

یاد رہے کہ مریم نواز لاہور سمیت مختلف حلقوں میں انتخابی مہم چلا رہی تھیں اور کل انتخابی مہم کے آخری روز بھی انہوں نے جلسے سے خطاب کیا تھا۔

خیال رہے کہ مریم نوازاس سے قبل بھی  گزشتہ  سال جولائی میں کرونا وائرس میں مبتلا ہوئی تھی۔

واضح رہے کہ ملک بھر میں کورونا کیسز میں ایک بار پھر اضافہ  دیکھنے میں آرہا ہے اور گزشتہ 24 گھنٹے کے دوران 10 اموات ہوئیں جبکہ کورونا کے مثبت کیسز کی شرح بڑھ کر 3.28 فیصد تک پہنچ گئی ہے۔