کراچی سمیت ملک کے مختلف علاقوں میں بارش کا امکان 

محکمہ موسمیات کے مطابق ملک کے مختلف حصوں میں آج بھی ابر رحمت برس سکتا ہے ، شہر قائد میں  گزشتہ رات ہونے والی بارش سب سے زیادہ اورنگی ٹائون میں 35.8 ملی میٹر ریکارڈ کی گئی   شہر کا موجودہ درجہ حرارت 28 ڈگری سنٹی گریڈ ہے جبکہ 18 کلومیٹر فی گھنٹے کی رفتار سے ہوا چل رہی ہے ۔ 

محکمہ موسمیات کا کہنا ہے کہ کراچی، حیدرآباد، ٹھٹھہ اور بدین میں بادل برس سکتے ہیں ۔  اس کے علاوہ بلوچستان اور جنوبی پنجاب میں بھی کہیں کہیں گرج چمک کے ساتھ مزید بارش کا امکان ہے۔

محکمہ موسمیات کے مطابق سبی ،ہرنائی ،نصیرآباد ، خضدار، قلات، لسبیلہ، بارکھان، مکران، تربت، پنجگور، اوران، جیوانی اورگوادرمیں تیزاورگرج چمک کےساتھموسلادھار بارش کی توقع ہے ۔ 

واضح رہے کہ گزشتہ روز کراچی کے مختلف علاقوں میں گرج چمک کے ساتھ تیز بارش ہوئی۔

شہر قائد میں تیز بارش کے باعث نشیبی علاقے زیر آب آگئے جبکہ کچھ علاقوں میں بجلی کی فراہمی معطل ہوگئی تھی۔