پاکستان میں پہلی الیکٹرک بس کا افتتاح ہوگیا

تفصیلات کے مطابق  وزیر ٹرانسپورٹ سندھ اویس قادر شاہ نے پاکستان میں پہلی الیکٹرک بس کا افتتاح کردیا۔اویس شاہ کا کہنا ہے کہ  نجی شعبے کےاشتراک سے الیکٹرک بسیں کراچی میں مختلف روٹس پر سفر کرینگی،  الیکٹرک بس منصوبہ پہلی مرتبہ سندھ میں چلے گی۔

وزیر ٹرانسپورٹ اویس شاہ نے مزید کہا کہ  سندھ میں جب کاروبار کےمواقع ملے تو نجی شعبہ یہاں آیا، اس سال کےآخر تک سو  الیکٹرک بسیں سڑکوں پر آجائیں گے۔انہوں نے مزید کہا کہ سندھ حکومت کے اپنے بس منصوبوں پر بھی پیشرفت ہوئی ہے۔

وفاقی وزیر سائنس و ٹیکنالوجی فواد چوہدری نے الیکٹرک بس کے افتتاح پر  سندھ حکومت کو مبارکباد دی، سماجی رابطے کی ویب سائٹ ٹوئٹر پر ایک پیغام میں کہا کہ الیکٹرک بس کا آغاز کرنے پر سندھ حکومت خصوصا وزیراعلی سندھ اور وزات ٹرانسپورٹ کو مبارکباد، امید ہے پنجاب اور کے پی کے کی حکومتیں بھی جلد از جلد یہ قدم اٹھائیں گی۔

Want to congratulate Sindh Govt specially @MuradAliShahPPP and ministry of transport on their remarkable step to add electric bus in Karachi Commuters system,@MinistryofST is fully behind Sind Govt in this futuristic approach hope Punjab and KP ll also take same route ASAP

— Ch Fawad Hussain (@fawadchaudhry) March 30, 2021