جی این این سوشل

پاکستان

اگلے یوم آزادی تک ہم حقیقی آزادی لے چکے ہونگے، عمران خان

چیئرمین تحریک انصاف عمران خان نے کہا ہے کہ میں امریکا مخالف نہیں ہوں، امریکا سے دوستی چاہتا ہوں غلامی نہیں۔

پر شائع ہوا

کی طرف سے

اگلے یوم آزادی تک ہم حقیقی آزادی لے چکے ہونگے، عمران خان
جی این این میڈیا: نمائندہ تصویر

چیئرمین تحریک انصاف عمران خان نے ملک بھر میں جلسوں کا اعلان کردیا۔ انہوں نے کہا میں نے عوام میں نکلنے کا فیصلہ کیا ہے، عدلیہ کو تقسیم کرنے اور ملک کی سب سے بڑی جماعت اور فوج کو آمنے سامنے کھڑا کرنے کی سازش کی جارہی ہے۔

لاہور کے ہاکی اسٹیڈیم میں جلسے سے خطاب کرتے ہوئے انہوں نے کہا حقیقی آزادی کی جنگ فیصلہ کن مرحلے میں ہے، پارٹی کے تمام عہدیداروں کو پیغام پہنچادیا ہے کہ تیاری کریں، نوجوانوں کی ٹائیگر فورس بنارہا ہوں جس میں خواتین بھی ہوں گی۔

عمران خان نے کہا راولپنڈی، کراچی، اسلام آباد، سکھر، حیدرآباد، مردان اٹک، ایبٹ آباد، ملتان بہاولپور، سرگودھا، جہلم ، گجرات، فیصل آباد، گجرانوالہ اور کوئٹہ میں جلسے کرینگے۔

انہوں نے کہا مجھے نکالنے والوں کا خیال تھا کہ لوگ مٹھائیاں بانٹیں گے لیکن قوم میرے حق میں سڑکوں پر نکل آئی ہے، اگلے یوم آزادی تک ہم اپنی حقیقی آزادی لے چکے ہونگے، عمران خان نے کہا میں قوم کو اب ہونے والی سازش کا بتاؤں گا اور یہ بھی بتاؤں گا کہ اس سازش کو کیسے بے نقاب کرنا ہے۔

انہوں نے کہا جو سازش کررہے ہیں سن لیں کہ عمران خان کوئی ڈیل نہیں کرے گا، ان کا پلان ہے کہ کسی طرح عمران خان کو نا اہل کرو، بددیانت الیکشن کمشنر سکندر سلطان راجہ نے انکی پوری مدد کی، انہوں نے میرے خلاف کیسز بنانے کا پلان بنایا ہے۔

انہوں نے کہا مجھے ڈس کو الیفائی کرکے نواز شریف کو ستمبر کے آخر میں واپس لانے کی کوشش کی جارہی ہے۔ نوازشریف فکر نہ کرو میں تمہارا ایسا استقبال کروں گا کہ تم یاد رکھو گے۔

انہوں نے کہا ایک اور خطرناک گیم چل رہی ہے کہ کسی طرح تحریک انصاف اور فوج کے بیچ میں لڑائی کرائی جائے۔ ملک کی سب سے بڑی جماعت کا فوج سے آمنا سامنا کرانے کا نقصان ملک کو ہوتا ہے۔

انہوں نے کہا یہ کیسے ہوسکتا ہے کہ میں چاہوں گا کہ میرے ملک کی فوج کمزور ہو۔ یہاں اتنی بیرونی سازشیں ہیں، دشمن ہمارے تین ٹکڑے کرنا چاہتا ہے اس لیے میں کبھی نہیں چاہوں گا کہ فوج کمزور ہو۔

انہوں نے کہا 25 مئی کو انہوں نے لوگوں کو گھروں میں گھس گھس کر ڈرایا اور سمجھے قوم سہم گئی ہے لیکن جب پنجاب کا ضمنی الیکشن آیا تو قوم نے انکی پھینٹی لگائی۔ کبھی ضمنی الیکشن میں قوم اس طرح نہیں نکلی۔

عمران خان نے کہا آزادی آسانی سے نہیں ملتی، اسکے لیے قربانیاں دینی پڑتی ہیں، مجھے پتا ہے میری قوم قربانیاں دینے کیلئے تیار ہے۔

انہوں نے کہا جب تک اس امپورٹڈ حکومت کو فارغ اور الیکشن نہیں کراتے ہم اپنی جدوجہد جاری رکھیں گے، اپنی قوم کو اکٹھا کروں گا، ہم ملکر اس ملک کے قرضے اتاریں گے۔

انہوں نے کہا میں امریکا مخالف نہیں ہوں، امریکا سے دوستی چاہتا ہوں غلامی نہیں، میں اپنے لوگوں کے فائدے کیلئے روس گیا تھا، یہ ہوتے کون ہیں پوچھنے والے کہ میں روس کیوں گیا؟ کیا میں انکا غلام ہوں، میں چاہتا تھا ہم روس سے سستا تیل اور 20 لاکھ ٹن گندم خریدیں، امپورٹڈ حکومت جب آئی ہم روس سے سستا تیل خریدنے کی بات کرچکے تھے۔

انہوں نے کہا ہمارے حکمران امریکا کی ٹانگوں میں لیٹے ہوئے ہیں۔ ان میں اتنی جرات نہیں تھی کہ کہتے یہ ہمارے عوام کی ضرورت ہے۔

عمران خان نے کہا قائداعظم نے کہا تھا مسلمان ہمیشہ آزادی کیلئے جدوجہد کرتا ہے، قائداعظم نے کہا انگریزکی غلامی سے نکل کر ہندوؤں کی غلامی میں نہیں جانا چاہتے، قائد اعظم نے ہمیں غلامی سے آزادی دلوائی۔

عمران خان نے کہا آج آپ لوگوں کو حقیقی آزادی کا روڈ میپ دینا ہے، وہ ملک خوش قسمت ہے جس میں جنونی باشعور نوجوان ہوتے ہیں اور جس کی مائیں، بہنیں آزادی کا جذبہ رکھتی ہیں۔

چیئرمین پی ٹی آئی نے کہا 26 سال سے میری کردار کشی کی جارہی ہے، اللہ کی شان دیکھیں آج بڑی تعداد میں لوگ آئے اور حوصلہ افزائی کررہے ہیں۔

انہوں نے کہا کہ قائد اعطم محمد علی جناح نے ہمیں غلامی سے آزادی دلوائی، جو قوم غلام ہوتی ہے کبھی اسکی پرواز اوپر نہیں ہوتی، خوف بھی ایک غلامی ہوتی ہے، انسان خوف کی وجہ سے اپنے ضمیر کا سودا کرتا ہے۔

عمران خان نے کہا خوف کا بت انسان کو غلام بنادیتا ہے، کبھی بھی ایک غلام قوم اوپر نہیں آسکتی، ہم ہاتھ پھیلا کر دنیا کے سامنے کیوں پھرتے ہیں؟۔

عمران خان نے کہا جو قوم غلام ہوتی ہے کبھی اس کی پرواز اوپر نہیں ہوتی، انسان جب گرتا ہے تو جانوروں سے بھی نیچے چلا جاتا ہے، مجھے بدنام کرنے کیلئے ہرقسم کے حربے استعمال کیے گئے۔

انہوں نے کہا 26 سال سے یہ لوگ میری کردار کشی کر رہے ہیں، پڑھے لکھے اور ایماندار لوگ کہتے تھے سیاست بڑی گندی ہے، میں انصاف اور خودداری کیلئے سیاست میں آیا۔

چیئرمین پی ٹی آئی نے کہا تلوار سے انقلاب نہیں آیا تھا، فکری انقلاب ذہنوں سے آیا تھا، ہمارے لوگوں کو غلط فہمی ہے کہ تلوار سے اسلام پھیلا ہے۔

پاکستان

ہرنائی میں پاک فوج کے ہیلی کاپٹر کو پیش آنے والے حادثے پر عمران خان کی ٹوئٹ

سابق وزیراعظم عمران خان نے ہرنائی میں پاک فوج کے ہیلی کاپٹر کو پیش آنے والے حادثے پر افسوس کا اظہار کیا ہے۔

پر شائع ہوا

ویب ڈیسک

کی طرف سے

ہرنائی میں پاک فوج کے ہیلی کاپٹر کو پیش آنے والے حادثے پر عمران خان کی ٹوئٹ

چیرمین تحریک انصاف عمران خان نے اپنی ٹوئٹ میں ہیلی کاپٹر حادثے میں ہونے والی شہادتوں پر افسوس کا اظہار کیا۔

عمران خان نے اپنی ٹوئٹ میں کہا کہ ہیلی کاپٹر حادثے میں 6 جوان شہید ہوئے، یہ المناک ہے، میری دعائیں اور ہمدردیاں بہادر سپاہیوں کے لواحقین کے ساتھ ہیں۔

خیال رہے کہ بلوچستان میں پاک فوج کا ایک ہیلی کاپٹر گر کر تباہ ہو گیا جس کے نتیجے میں 6 اہلکار شہید ہو گئے۔

پاک فوج کے شعبہ تعلقات عامہ آئی ایس پی آر کے مطابق ہیلی کاپٹر کل رات فلائنگ مشن کے دوران گر کر تباہ ہوا۔

آئی ایس پی آر کے مطابق حادثے میں دونوں پائلٹس سمیت ہیلی کاپٹر میں سوار تمام 6 اہلکار شہید ہو گئے۔

شعبہ تعلقات عامہ کے مطابق شہدا میں پائلٹ میجر محمد منیب افضل اور پائلٹ میجر خرم شہزاد شامل ہیں، شہید ہونے والے دیگر اہلکاروں میں نائیک جلیل ، صوبیدار عبدالواحد، سپاہی محمد عمران اور سپاہی شعیب شامل ہیں۔

پڑھنا جاری رکھیں

پاکستان

مجھے کہا جاتا ہے جن لوگوں نےکرپشن کی انہیں معاف کردیں : عمران خان

لاہور: چیئرمین پی ٹی آئی عمران خان کا کہنا ہے کہ اگر ظلم،ناانصافی کا مقابلہ نہیں کرتے تو ہم اور  بھیڑ بکریوں میں کوئی فرق نہیں۔

پر شائع ہوا

ویب ڈیسک

کی طرف سے

مجھے  کہا جاتا ہے جن لوگوں نےکرپشن کی انہیں معاف کردیں : عمران خان

تفصیلات کے مطابق ان خیالات کا اظہار پی ٹی آئی چیئرمین نے لاہور میں منعقدہ مشائخ وعلما کنونشن سے خطاب کے دوران کیا، عمران خان نے کہا کہ یہ ملک اس وقت آگے بڑھے گا جب ہم نبیﷺ کے اصولوں پر چلیں، علما میرے ساتھ ملکر ملک کی حقیقی آزادی کیلئے جہاد لڑیں۔

انہوں نے علما کو بڑی قوت قرار دیتے ہوئے کہا کہ علمائے کرام نے قائداعظم کی مدد کی جس کے نتیجے میں پاکستان وجود میں آیا۔

مشائخ وعلما کنونشن سے خطاب میں عمران خان نے کہا کہ آنیوالے دنوں میں آپ سب کو اپنے ملک کیلئے فرض اداکرنا ہوگا،میں علمائے کرام کو کہتا ہوں کہ وہ لوگوں میں کم از کم نبیﷺ کی سیرت اور سنت جگائیں، علما لوگوں کو بتائیں کہ عدل ،انصاف اور انسانیت کیا ہوتی ہے، یہ وقت ایسا ہے کہ ہم تیزی سے نیچے جارہےہیں۔

عمران خان کا کہنا تھا کہ آپ جس دن چوری کو معاف کرنا شروع کردیں تو معاشرہ تباہ ہوجاتاہے،اگر آپ ظلم،ناانصافی کا مقابلہ نہیں کرتے تو ہم اور بھیڑ بکریوں میں کوئی فرق نہیں۔

سابق وزیراعظم کا کہنا تھا کہ مجھے باربارکہا جاتا ہے کہ آپ ضدی ہیں،  جن لوگوں نےکرپشن کی انہیں چھوڑدیں معاف کردیں، جب میں حکومت میں تھا تو کہا جاتا تھا کہ انہیں این آراو دےدو، یاد رکھیں کہ ہم چوروں کو تسلیم کرینگے تو ہم ملک کے مستقبل کی قبر کھود رہےہیں۔

اس سے قبل عمران خان نے گورنمنٹ کالج یونیورسٹی لاہور میں تقریب سے خطاب کرتے ہوئے کہا کہ پاکستان کا سب سے بڑا فراڈیا اسحاق ڈار واپس آرہا ہے، وہ وزیراعظم کے جہاز میں بیٹھ کر علاج کے بہانے ملک سے بھاگ گیا اور اب ڈیل کے تحت واپس آ رہا ہے۔

چیئرمین پی ٹی آئی کا مزید کہنا تھا کہ اب نئی آڈیو لیکس آگئیں، جس میں ثابت ہوگیا کہ چیف الیکشن کمشنر نواز شریف کے گھر کا نوکر ہے، اس سے پوچھ رہا ہے کہ کسے نااہل کرانا ہے اور عمران کو توشہ خانہ کیس میں نااہل کردوں گا، اس میں شرم و حیا ہے تو مستعفی ہوجائے، لیکن اس میں شرم نہیں اس لیے ہمیں اسے مستعفی کروانا پڑے گا۔

پڑھنا جاری رکھیں

پاکستان

آرمی چیف جنرل قمرجاوید باجوہ سے کینیڈا کی ہائی کمشنر کی الوداعی ملاقات

آرمی چیف جنرل قمرجاوید باجوہ سے پاکستان میں کینیڈا کی ہائی کمشنر وینڈی گلمور نے الوداعی ملاقات کی ہے۔

پر شائع ہوا

ویب ڈیسک

کی طرف سے

آرمی چیف جنرل قمرجاوید باجوہ سے کینیڈا کی ہائی کمشنر کی الوداعی ملاقات

پاک فوج کے شعبہ تعلقات عامہ آئی ایس پی آر کے مطابق ملاقات میں مختلف شعبوں میں تعاون کے فروغ ، باہمی دلچسپی اور خطے کی سیکیورٹی صورتحال پر تبادلہ خیال کیا گیا۔

آئی ایس پی آر کے مطابق کینیڈین ہائی کمشنرنے پاکستان میں سیلاب کی تباہی پردکھ کااظہار کیا اور متاثرہ علاقوں میں پاک فوج کی ریسکیو اور ریلیف کوششوں کوسراہا۔

ترجمان پاک فوج کے مطابق آرمی چیف نے مضبوط باہمی تعلقات کیلئے کینیڈین ہائی کمشنر کی خدمات کو سراہا جبکہ وینڈی گلمور نے پاکستان میں سیلاب کی تباہی پر دکھ کا اظہار کرتے ہوئے پاکستانی عوام کو کینیڈا کی مکمل حمایت کی یقین دہانی کرائی۔

آرمی چیف جنرل قمر جاوید باجوہ نے پاکستان کی حمایت اور مدد پر کینیڈا کا شکریہ ادا کیا۔ کہا متاثرین کی بحالی کے لئے عالمی شراکت داروں کی مدد اہم ہوگی۔

پڑھنا جاری رکھیں

ٹرینڈنگ

Take a poll