عمران خان کا پنجاب میں ارشد شریف شہید یونیورسٹی آف جرنلزم بنانے کا اعلان

 چیئرمین تحریک انصاف عمران خان نے پنجاب میں ارشد شریف شہید یونیورسٹی آف جرنلزم بنانے کا اعلان کر دیا۔ میڈیا رپورٹس کے مطابق عمران خان نے لبرٹی چوک لاہور سے لانگ مارچ کا آغاز کر دیا اور شرکاء سے خطاب میں کہا کہ ہمارا لانگ مارچ سیاست یا ذاتی مفاد کیلئے نہیں ہے۔مارچ کا مقصد صرف ایک ہے کہ اپنی قوم کو آزاد کراؤں۔ 

26 سال کے سیاسی کیرئیر میں سب سے اہم سفر شروع کر رہا ہوں،وقت آ گیا ہے کہ ہم اس ملک کی حقیقی آزادی کا سفر شروع کریں۔میرا مارچ سیاست کے لیے نہیں،

نہ ہی الیکشن یا ذاتی مفادات کے لیے ہے بلکہ صرف ایک مقصد ہے قوم کو حقیقی طور پر آزاد ہو،ہمارے فیصلے واشنگٹن یا برطانیہ میں نہ ہوں۔پاکستان کے فیصلے پاکستان میں ہوں اور پاکستانی عوام کے لیے ہوں۔ 

انکا کہنا تھا کہ کوئی ہمیں نہ کہے کہ ہم جنگ میں شامل ہوں۔میں ایک آزاد ملک دیکھنا چاہتا ہوں۔لوگ تماشا دیکھ رہے ہیں اور قوم مہنگائی میں ڈوب رہی ہے۔

50 سال میں اتنی مہنگائی نہیں ہوئی جتنی اس حکومت نے کی ہے۔انہوں نے کہا کہ میں چاہتا ہوں میرے لوگوں پر ظلم نہ ہو۔تھانہ،کچہری اور پٹواری کی سیاست نہ ہو۔ہماری تنقید تعیمری ہے مگر تنقید کا مقصد ہر گز یہ نہیں کہ ادارے کمزور ہوں،ہم شفاف انتخابات چاہتے ہیں ۔ 

دوسری جانب اسلام آباد میں جلسے کیلئے فوری این او سی جاری کرنے کی تحریک انصاف کی درخواست مسترد کر دی گئی۔انتظامیہ نے ماضی کے معاہدوں کی خلاف ورزیوں کی فہرست تھما دی،

اسلام آباد انتظامیہ نے لانگ مارچ اور جلسے کی اجازت سے متعلق درخواست پر پی ٹی آئی رہنماؤں سے وضاحت طلب کر لی۔ ضلعی انتظامہ اور پی ٹی آئی رہنماؤں کے درمیان مزاکرات ناکام ہو گئے۔

انتظامیہ نے پی ٹی آئی کو ماضی کے معاہدوں کی خلاف ورزیوں کی فہرست تھما دی۔ضلعی انتظامیہ نے فوری این او سی جاری کرنے کی پی ٹی آئی کی درخواست مسترد کر دی جبکہ پی ٹی آئی کو نیا لیٹر جاری کر دیا۔

خط میں گہا گیا ہے کہ این او سی کی درخواست مسترد نہ کرنے کی وجوہات کی وضاحت کی جائے۔