مظفر گڑھ کے رکن پنجاب اسمبلی کی تحریک انصاف چھوڑنے کی تردید

 پی ٹی آئی لانگ مارچ سے قبل پی ٹی آئی رکن پنجاب اسمبلی خرم لغاری نے پارٹی چھوڑنے کا اعلان کرتے ہوئے کہا کہ مزید 5 ارکان پنجاب اسمبلی نے بھی پارٹی چھوڑنے کا فیصلہ کیا ہے۔تاہم خرم لغاری کے مظفر گڑھ کے 5 ایم پی ایز کے ہمراہ پارٹی چھوڑنے کے اعلان کی ایم پی اے سردار عبد الحئی دستی نے سختی سے تردید کردی۔ 

انہوں نے کہا کہ ہم تحریک انصاف بالکل نہیں چھوڑ رہے ،ہم پی ٹی آئی اور عمران خان کے بیانیہ کے ساتھ ہیں۔ہم لانگ مارچ کی پوری تیاری میں ہیں۔آج میں اپنے بندوں کو لے کر اسلام آباد کی طرف جا رہا ہوں۔ہم عمران خان کے لانگ مارچ میں بھرپور کردار ادا کریں گے کیونکہ یہ حقیقی آزادی کی جنگ ہے جو ہمیں عمران خان کے سنگ لڑنی ہے۔

خرم لغاری کے مظفر گرڑھ کے 5 ایم پی ایز کے ہمراہ پارٹی چھوڑنے کے اعلان کی ایم پی اے سردار عبد الحئی دستی نے سختی سے تردید کردی

وہ #حقیقی_آزادی_مارچ کی تیاریوں میں مصروف ہیں pic.twitter.com/NQJNIWOEyd

— Azhar Mashwani (@MashwaniAzhar) October 28, 2022

قبل ازیں دعویٰ کیا کہ مزید 5 ارکان پنجاب اسمبلی نے بھی پارٹی چھوڑنے کا فیصلہ کیا ہے۔ہمیں بتایا جائے کہ وزیر بنانے کا کیا معیار ہے؟ انکا کہنا تھا کہ ہمیں دکھایا کچھ اور گیا تھا اور ہوا کچھ اور ہے۔ ممکن ہے ہم اسمبلی سے بھی استعفٰی دے دیں،ہم اگلے تین چار دن میں اسمبلی رکنیت سے بھی مستعفی ہو سکتے ہیں۔ 

خرم لغاری نے یہ فیصلہ اس وقت کیا جب تحریک انصاف لاہور سے اپنے لانگ مارچ کا آغاز کرنے والی ہے۔ یاد رہے کہ اس سے قبل فیصل واواڈ نے بھی لانگ مارچ کے حوالے سے خدشات کا اظہار کیا تھا۔ فیصل واوڈا نے کہا کہ لانگ مارچ میں خون ہی خون اورجنازے ہی جنازے نظر آرہے ہیں،میں اپنے معصوم پاکستانیوں کو چند لوگوں کی سازش کیلئے مرنے نہیں دوں گا، خری وقت تک کوشش کروں گا کہ لاشوں اور خون کا کھیل بند ہو۔ 

عمران خان کو بتا چکا کہ اس سازش کے مقاصد کچھ اور ہیں۔ چیئرمین تحریک انصاف نے فیصل واوڈا کے بیان پر رد عمل میں کہا کہ جن کو قریب سمجھتا تھا وہ وقت آنے پر بدل گئے، فیصل واوڈا نے ڈرٹی ہیری کی فرمائش پر پریس کانفرنس کی، میرے لوگوں سے رابطے کر کے انہیں توڑنے کی کوشش کی جا رہی ہے، اسلام آباد میں جب سے ڈرٹی ہیری آیا لوگوں پر ظلم کیا جا رہا ہے۔