انٹربینک میں ڈالر 7 پیسے مزید سستا ہوگیا

تفصیلات کے مطابق انٹر بینک مارکیٹ میں کاروباری ہفتے کے آخری روز ڈالر کی قیمت میں7 پیسے کمی ہوئی ہے جس کے بعد ڈالر 152 روپے 94پیسے پر آ گیاہے ، ڈالر کمی کے بعد 21 ماہ کی کم ترین سطح 154 روپے سے بھی نیچے آ گیاہے۔

مرکزی بینک کے جاری اعداد وشمار کے مطابق انٹربینک میں ایک یورو کی قیمت 181.78 روپے ہوگئی جب کہ برطانوی پاؤنڈ 209.65، جاپانی ین1.39 اور سعودی ریال 40.78 روپے میں فروخت ہوا۔

دوسری جانب جمعہ کے روز سونا 300روپے فی تولہ سستا ہوا ہے جس کے بعد خالص 24قیراط فی تولہ سونے کی قیمت 1لاکھ3ہزار800روپے فی تولہ رہی اسی طرح 22قیراط فی تولہ سونا 95ہزار 150روپے فی تولہ میں فروخت ہوا اور  21قیراط فی تولہ سونے کی قیمت 90ہزار 825روپے رہی جبکہ  5 روپے کمی کے بعد فی تولہ چاندی کی قیمت 1330روپے رہی ۔