اداکار احسن خان، اداکارہ صاحبہ، ثنا، ڈرامہ رائٹر ڈائریکٹر عاصمہ بٹ کا پاکستانی بہادر سپوتوں کو خراج تحسین 

معروف اداکار و میزبان احسن خان نے کہا کہ پاک فوج ہماری حفاظت پر معمور ہے، میں اور میرے بچے آپ اور آپ کے گھر والے اللہ پر بھروسہ کر کے سکون سے سو کر اٹھتے ہیں،پوری دنیا میں ہماری فوج کا۔نام۔بلند ہوا ہے اور ہمیں عزت ملی ہے،،یقیناً عزت دینے والی رب ذوالجلال کی ذات ہے ۔
ہمیشہ سنتے تھے قوم کا دفاع مضبوط ہاتھوں میں ہے اور الحمداللہ آج دیکھ بھی لیا۔

اداکارہ صاحبہ نے کہا کہ افواج پاکستان نے قوم کا سرفخر سے بلند کر دیا،، ہمیں بہادر افواج پر فخر ہے۔ 

معروف اداکارہ ثنا نے کہا کہ بحیثیت قوم ہمیں مسلح افواج پر فخر ہے،، جس طرح آپ نے دشمن کا مقابلہ کیا اسے سراہتے ہیں،، سیز فائر ایک اچھا فیصلہ ہے لیکن ہمیں اب کمزور سمجھنے کی غلطی نہ کی جائے،، فنکار امن کا سفیر ہوتا ہے،، ہم کسی بھی ملک سے وابستہ  ہوں لیکن ہم انسان ہیں ،،ہم امن چاہتے ہیں لیکن جارحیت کی صورت میں کبھی خاموش نہیں بیٹھیں گے۔

ہدایتکارہ عاصمہ بٹ نے کہا کہ دشمن کو منہ توڑ جواب دے کر پاک افواج نے ثابت کردیا کہ کسی بھی صورت میں پاکستان کی سالمیت پر سمجھوتا قابل قبول نہیں۔فنکار آہنی دیوار کی مانند پاک فوج کے ساتھ شانہ بشانہ کھڑے ہیں۔ عاصمہ بٹ نے بھارتی جارحیت کی پرزور الفاظ میں مذمت کرتے ہوئے کہا کہ تمام فنکار اپنی افواج کے ساتھ کھڑے ہیں ۔ماضی میں جس طرح میڈم نور جہاں نے قومی ترانے گا کر فوج کے جوانوں کے حوصلے بلند کیے،اسی طرح آج بھی پاکستان کے فنکار بہادر فوج کے حوصلے بلند کرنے کے لیے میدان میں نکلنے کو تیار ہیں۔