پاکستان
عام انتخابات میں پارٹی ٹکٹ صرف وفادار اور مخلص لوگوں کو دیں گے:عمران خان
چیئرمین پاکستان تحریک انصاف کا کہنا تھا آئندہ عام انتخابات میں پارٹی ٹکٹ صرف وفادار اور مخلص لوگوں کو دیں گے۔
![عام انتخابات میں پارٹی ٹکٹ صرف وفادار اور مخلص لوگوں کو دیں گے:عمران خان](/media/48446/conversions/Imran-Khan-4-1280x720.jpg)
چیئرمین پی ٹی آئی عمران خان نے واضح کر دیا ہے کہ آئندہ عام انتخابات کے لیے پارٹی ٹکٹ صرف وفادار اور مخلص لوگوں کو دیں گے۔
زمان پارک میں صحافیوں سے گفتگو کرتے ہوئے عمران خان کا کہنا تھا پاکستان میں آئین کی بالادستی کا راستہ صرف عدلیہ کے پاس ہے۔
ان کا کہنا تھا موجودہ حکومت انتخابات کرانے میں سنجیدہ نہیں ہے، بروقت انتخابات کے انعقاد کے لیے صرف عدلیہ سے امید ہے۔
عمران خان کا کہنا تھا پہلے حکومت دہشتگردی کے خلاف آل پارٹیز کانفرنس (اے پی سی) بلائے، اے پی سی میں جانے یا نہ جانے کا فیصلہ بعد میں کریں گے۔
عالمی مالیاتی فنڈ کے ساتھ معاہدے کے حوالے سے گفتگو کرتے ہوئے عمران خان کا کہنا تھا آئی ایم ایف معاہدے سے مہنگائی کا طوفان آئے گا، حکمران اپنے ڈالر باہر منتقل کر رہے ہیں، پاکستان کی معیشت کو صرف سمندر پار پاکستانیوں کی سرمایہ کاری بچا سکتی ہے۔
سابق وزیراعظم اور مسلم لیگ ن کے قائد کے حوالے سے عمران خان کا کہنا تھا نواز شریف پاکستان واپس آئیں انہیں اپنی مقبولیت کا اندازہ ہو جائے گا۔
موسم
صوبائی دارالحکومت لاہور میں سورج اور بادلوں کی آنکھ مچولی
لاہور میں آج موسم گرم اور خوش رہنے کا امکان ہے جبکہ کم سے کم درجہ حرارت 27 ڈگری سینٹی گریڈ ریکارڈ کیا گیا
![صوبائی دارالحکومت لاہور میں سورج اور بادلوں کی آنکھ مچولی](/media/117883/conversions/Lahore-Weather-1280x720.jpg)
صوبائی دارالحکومت لاہور کے مختلف علاقوں میں سورج اور بادلوں کی آنکھ مچولی جاری ہے۔لاہور میں درجہ حرارت 27 ڈگری سینٹی گریڈ ریکارڈ کیا گیا۔
محکمہ موسمیات کے مطابق آج موسم گرم اور خوش رہنے کا امکان ہے۔لاہور میں چلنے والی ہوائوں سے حبس اور گرمی کی شدت میں واضح کمی محسوس کی جا رہی ہے۔
محکمہ موسمیات نے خبردار کر دیا!#GNN #BreakingNews #NewsUpdates #GNN_Updates pic.twitter.com/iR0UKM35RH
— GNN (@gnnhdofficial) September 11, 2024
گزشتہ روز لاہور کے مختلف علاقوں میں ہونے والی بارش کے بعد موسم خوشگوار ہو گیا۔ اس وقت شہر کا درجہ حرارت 27 ڈگری سینٹی گریڈ ریکارڈ کیا گیا۔
محکمہ موسمیات کے مطابق باغوں کے شہر لاہور کا کم سے کم درجہ حرارت 27 جبکہ زیادہ سے زیادہ 34 ڈگری سینٹی گریڈ تک جانے کا امکان ہے، شہر میں ہوا کی رفتار 6 کلومیٹر فی گھنٹہ ریکارڈ کی گئی جبکہ ہوا میں نمی کا تناسب 95 فیصد تک پہنچ گیا ہے۔
ٹیکنالوجی
یو ٹیوب نے نئے اے آئی ٹولز متعارف کروانے کا اعلان کر دیا
ان ٹولز کا مقصد یوٹیوب ویڈیوز میں اے آئی ٹیکنالوجی پر مبنی افراد، آوازوں اور موسیقی شناخت کرنے میں مدد فراہم کرنا ہے
![یو ٹیوب نے نئے اے آئی ٹولز متعارف کروانے کا اعلان کر دیا](/media/117904/conversions/YouTube-1280x720.jpg)
کیلیفورنیا : دنیا کی سب سے بڑی ویڈیو شیئرنگ پلیٹ فارم یوٹیوب نے مصنوعی ذہانت (AI) ٹولز متعارف کرانے کا اعلان کیا ہے۔ ان ٹولز کا مقصد یوٹیوب ویڈیوز میں اے آئی ٹیکنالوجی پر مبنی افراد، آوازوں اور موسیقی شناخت کرنے میں مدد فراہم کرنا ہے۔
یہ نیا ٹول یوٹیوب کے کنٹینٹ آئی ڈی سسٹم کا ایک حصہ ہے جسے اپ گریڈ کیا گیا ہے۔ اس کا مقصد اکثر گانوں میں کاپی رائٹس کی خلاف ورزی کا پتہ لگانا ہے۔
یہ فیچر اے آئی گلوکاروں کی نقل کرنے والی اے آئی آوازوں کو شناخت کرکے صارفین کو الرٹ کرتا ہے۔
اس کا ابتدائی ورژن آئندہ سال جاری کیا جائے گا جس کے بعد اسے بڑے پیمانے پر متعارف کرایا جائے گا۔
اس کے علاوہ یہ ٹول ویڈیوز میں موجود ڈیپ فیک چہروں کی بھی شناخت کرے گا جس سے اہم شخصیات اور فنکاروں کو اپنی تصاویر کے غیر قانونی استعمال سے بچاؤ میں مدد ملے گی۔
یوٹیوب کے کریئٹر پراڈکٹس شعبے کے نائب صدر امجد حنیف نے ایک بلاگ پوسٹ میں کہا کہ ہم اے آئی کے عہد میں صارفین کو تحفظ فراہم کرنے کے لیے پرعزم ہیں۔
دنیا
روس نے ایران سے بڑی تعداد میں بیلسٹک میزائل حاصل کر لیے، امریکا
بلنکن نے انٹیلی جنس معلومات کا حوالہ دیتے ہوئے کہا کہ روس کو اب ان بیلسٹک میزائلوں کی کھیپ موصول ہو گئی ہے
![روس نے ایران سے بڑی تعداد میں بیلسٹک میزائل حاصل کر لیے، امریکا](/media/117855/conversions/fa4e5d3d-a66e-45eb-9507-6c6795c853f6_16x9_1200x676-1280x720.jpg)
امریکا نے کہا ہے کہ روس نے ایران سے بڑی تعداد میں بیلسٹک میزائل حاصل کر لیے ہیں۔
امریکا نے دعویٰ کیا ہے کہ روس یہ میزائل یوکرین کی جنگ میں استعمال کرے گا، امریکا نے ماسکو کو ایرانی ہتھیار وں کی فراہمی میں ملوث بحری جہازوں اور کمپنیوں پر نئی پابندیاں عائد کر دی ہیں۔
برطانوی وزیر خارجہ ڈیوڈ لیمی کے دورہ لندن سے قبل ایک نیوز کانفرنس سے خطاب کرتے ہوئے وزیر خارجہ انٹونی بلنکن نے کہا کہ واشنگٹن نے نجی طور پر ایران کو متنبہ کیا ہے کہ روس کو بیلسٹک میزائل فراہم کرنا ناقابل قبول ہے۔
بلنکن نے انٹیلی جنس معلومات کا حوالہ دیتے ہوئے کہا کہ روس کو اب ان بیلسٹک میزائلوں کی کھیپ موصول ہو گئی ہے، اور ممکنہ طور پر انہیں یوکرین کے خلاف یوکرین میں ہفتوں کے اندر استعمال کیا جائے گا۔
محکمہ خزانہ کی ویب سائٹ کے مطابق، امریکہ نے بعد میں روس کے جھنڈے والے 9 بحری جہازوں کی نشاندہی کی، جن کے بارے میں کہا گیا تھا کہ وہ ایران سے روس کو ہتھیاروں کی فراہمی میں ملوث تھے اور انہیں واشنگٹن کی پابندیوں کے تحت بلاک شدہ جائیداد قرار دیا گیا تھا۔
-
پاکستان 2 دن پہلے
پی ٹی آئی رہنما محمود الرشید کا بیٹا گرفتار، پولیس کی شرکاء کووارننگ
-
علاقائی ایک دن پہلے
خیبر پختونخوا کے مختلف علاقوں میں 4.5 شدت کا زلزلہ
-
دنیا 4 گھنٹے پہلے
ورلڈ ٹریڈ سینٹر پر نائن الیون حملوں کو 23 سال مکمل
-
موسم 2 گھنٹے پہلے
صوبائی دارالحکومت لاہور میں سورج اور بادلوں کی آنکھ مچولی
-
تجارت 2 گھنٹے پہلے
اسلام آباد کے بجلی صارفین 14 روپے فی یونٹ ریلیف سے محروم
-
دنیا 5 گھنٹے پہلے
امریکی صدارتی انتخابات: ڈونلڈ ٹرمپ اور کملا ہیرس کے درمیان پہلا مباحثہ
-
پاکستان 5 گھنٹے پہلے
بانی پاکستان قائداعظم محمد علی جناح کی 76ویں برسی آج منائی جا رہی ہے
-
ٹیکنالوجی 59 منٹ پہلے
یو ٹیوب نے نئے اے آئی ٹولز متعارف کروانے کا اعلان کر دیا