صدر عارف علوی کی زمان پارک آمدعمران خان سے ملاقات

صدر مملکت ڈاکٹر عارف علوی کی زمان پارک میں چیئرمین پی ٹی آئی عمران خان سے ملاقات ہوئی، ملکی سیاسی صورتحال پر تبادلہ خیال کیا گیا۔

جمعرات کے روز صدر مملکت عارف علوی کی زمان پارک آمد ہوئی، عمران خان سے ملاقات میں سیاسی صورتحال پر تبادلہ خیال کیا، الیکشن کمیشن کی جانب سے انتخاب کی تاریخ نہ دینے پر تشویش کا اظہار کیا گیا۔

اس موقع پر چیئرمین پی ٹی آئی عمران خان نے کہا کہ الیکشن کمیشن آئینی ذمہ داریاں پوری نہیں کر رہا۔ 90 روز میں انتخابات نہ ہوئے تو آئین شکنی ہوگی۔