لالی وڈ سپر سٹار ماہرہ خان کی شوہر کے ہمراہ فلم ’’ نیلو فر‘‘ کے پریمیئر  میں انٹری

لاہور: لالی وڈ سپر سٹار ماہرہ خان کی شوہر کے ہمراہ فلم ’’ نیلو فر‘‘ کے پریمیئر  میں انٹری ہوئی جہاں ماہرہ خان اور انکے شوہر سلیم کریم توجہ کا مرکز بنے رہے۔

تفصیلات کے مطابق اداکارہ ماہرہ خان اپنی فلم ’’نیلوفر‘‘کے پریمیئر میں شرکت کیلئے شوہر سلیم کریم کے ہمراہ پہنچیں،اداکارہ ماہرہ خان حاضرین کی توجہ کا مرکز بنی رہیں۔

اس کی وجہ فلم میں نہ صرف مرکزی کردار تھا بلکہ وہ پہلی مرتبہ خاوند کے ساتھ کسی تقریب میں آئیں،،ماہرہ نے اپنے شوہر سلیم کریم کا ہاتھ تھاما ہوا تھا اور دونوں نے اسٹیج پر آکر فوٹو شوٹ کروایا۔

اداکارہ سیاہ ساڑھی جبکہ سلیم کریم بھی کالے رنگ کا پینٹ کوٹ زیب تن کیے ہوئے تھے۔

جوڑے کی ہم آہنگی اور کیمسٹری نے لوگوں کی توجہ حاصل کی اور پھر ایک موقع پر ماہرہ خان بھی اسٹیج پر شوہر کا نوبیاہتا دلہن کی طرح ہاتھ تھامے نظر آئیں۔