خیبر پختونخوا میں گورنر راج لگانے کی تجویز زیر غور

پشاور: صوبہ خیبر پختونخوا میں گورنر راج لگانے کی تیاریاں جاری ہیں،اس حوالے سے چار نام سامنے آ گئے

ذرائع کے مطابق پہلا نام موجودہ گورنر خیبر پختونخوا فیصل کریم کنڈی کا ہے کہ گورنر راج لگنے کے بعد بھی وہی اپنے فرائض جاری رکھیں۔

ذرائع کے مطابق باقی زیر غور ناموں میں سیاسی حلقوں میں سے سابق وزیراعلیٰ خیبر پختونخوا امیر حیدر ہوتی، سابق وزیر دفاع پرویز خٹک اور آفتاب شیرپاؤ کے نام شامل ہیں۔

ذرائع کا یہ دعویٰ بھی سامنے آیا ہے کہ اگر ان سیاست دانوں کے ناموں میں سے کسی پر بھی اتفاق نہیں ہوتا تو لیفٹیننٹ جنرل ریٹائرڈ غیور اور لیفٹیننٹ جنرل ریٹائرڈ خالد ربانی کے نام بھی زیر غور ہیں۔

دوسری جانب فیصل کریم کنڈی نے  خیبرپختونخوا میں گورنر تبدیلی کی افواہوں کی تردید کردی،میڈیا سے گفتگو کرتے ہوئے انہوں نے کہا کہ پارٹی کا جو بھی فیصلہ ہو گا ہمیشہ تسلیم کریں گے۔

گورنر تبدیلی کے حوالے سے مجھے کچھ معلوم نہیں،میڈیا پر جو نام چل رہے ہیں اس حوالے سے کچھ معلوم نہیں۔