پی ڈی ایم کو الیکشن کے نام سے سیاسی موت نظر آرہی ہے،چوہدری پرویز الہیٰ

پاکستان تحریک انصاف کے مرکزی صدر چوہدری پرویز الہیٰ سے لاہور ہائی کورٹ بار کے عہدایداران کی ملاقات ہوئی،ملاقات میں چوہدری پرویز الہیٰ نے کہا کہ قانون کی بالادستی کےلئے وکلاء کی جدوجہد ہمیشہ ہی نمایاں رہے گی۔حکمران عدلیہ کو تقسیم کرنے کی سازش کر رہے ہیں۔وکلاء ایک بار پھر آئین کی جنگ لڑ رہے ہیں۔

پرویز الہیٰ کا کہنا تھا کہ عدالتی بنچ کے فیصلوں سے اپنی مرضی کا مطلب اخذ کیا جا رہا ہے۔پی ڈی ایم کو الیکشن کے نام سے سیاسی موت نظر آرہی ہے۔الیکشن کے حوالے سے پرویز الہیٰ کا کہنا تھا کہ عمران خان ہفتے کی شام سے انتۃابی مہم کا باضابطہ آغاز کردیں گے۔