حیدرآباد میں معروف ڈاکٹر کو چاقو کے وار کر کے قتل کر دیا گیا

حیدرآباد: ایک مشہور ماہر امراض جلد ڈاکٹر دھرم دیو راٹھی کو منگل کی رات دیر گئے حیدرآباد کے سٹیزن کالونی میں واقع ان کی رہائش گاہ پر ان کے ڈرائیور نے چاقو کے وار کر کے قتل کر دیا۔

سینئر سپرنٹنڈنٹ آف پولیس (ایس ایس پی) امجد شیخ کے مطابق یہ واقعہ منگل کی رات اس وقت پیش آیا جب ڈاکٹر دھرم دیو راٹھی صدر بوہری بازار میں کلینک پر اپنی ڈیوٹی کے بعد گھر پہنچے۔

ابتدائی تحقیقات میں بتایا گیا کہ ڈاکٹر دھرم دیو اور ان کے ڈرائیور حنیف لغاری کے درمیان راستے میں جھگڑا ہوا اور گھر پہنچتے ہی حنیف نے کچن سے خنجر نکال کر اسے قتل کردیا۔

گھر کا باورچی دلیپ ٹھاکر بھی زخمی ہوا جس نے پولیس کو بتایا کہ ڈرائیو خیرپور میرس کا رہائشی ہے، ہندو ڈاکٹر کو بے دردی سے ذبح کر کے گاڑی لے کر فرار ہو گیا۔

دریں اثناء صوبائی وزیر اقلیتی امور گیان چند اسرانی نے واقعہ کی مذمت کرتے ہوئے ایس ایس پی کو قاتل کو جلد از جلد گرفتار کرنے کی ہدایت کی۔