ہماری سیاسی سرگرمیوں سے توجہ ہٹانے کے لیے کیسز میں الجھایا جا رہا ہے،شاہ محمود قریشی

پاکستان تحریک انصاف کے وائس چیئرمین شاہ محمود قریشی نے کہا ہے کہ ہمیں سیاسی سرگرمیوں سے توجہ ہٹانے کے لیے کیسز میں الجھایا جا رہا ہے۔8 مارچ کو فسطائیت کا مظاہرہ کیا گیا، ظل شاہ کی پوسٹ مارٹم رپورٹ میں تشدد ثابت ہوا۔

انہوں نے کہا کہ پولیس نہتے لوگوں پر حملہ آور ہوئی۔  کارکنوں کو پرامن رہنے کی تلقین کررہا تھا۔شاہ محمود قریشی نے کہا کہ  ہمارے کارکن کی موت پر دنیا میں نوٹس لیا گیا، ہمارا کارکن شہید ہوا اور پرچہ عمران خان پر کر دیا۔

سابق وفاقی وزیر نے کہا کہ عمران خان پر 78کے قریب مقدمات درج ہوچکے ہیں، عدلیہ کا ہمیشہ احترام کیا اور آئندہ بھی کریں گے۔انکا کہنا ہے کہ مریم صاحبہ کا لب و لہجہ ان پر ججتا نہیں ہے، انہوں نے جو طنزیہ گفتگو فرمائی وہ ان پر سجتی نہیں ہے۔