عام انتخابات : الیکشن کمیشن کا اہم اجلاس

الیکشن کمیشن نے پنجاب اور خیبر پختون خوا نے انتخابات کیلئے ساڑھے 3 لاکھ اضافی نفری مانگ لی۔چیف الیکشن کمشنر کی زیر صدرات اجلاس ہوا جس میں احساس اداروں کے حکام بھی شریک ہوئے، الیکشن کمیشن نے دونوں صوبوں کے انتخابات کیلئے 3 لاکھ 53 ہزار اضافی نفری مانگ لی۔

 حکام کو بریفنگ دیتے ہوئے بتایا کہ پنجاب میں پولیس کے علاوہ 2 لاکھ97 ہزار دیگر قانون نافذ کرنے والے اداروں کے اہلکار درکار ہوں گے جبکہ خیبر پختون خوا میں 56 ہزار مزید نفری درکار ہوگی۔پورے ملک میں عام انتخابات کے لئے 65 ارب روپے کا تخمینہ لگایا گیا ہے جبکہ دو صوبوں کے الیکشن پر 20 ارب روپے کے اخراجات آئیں گے۔

بریفنگ دیتے ہوئے حکام نے بتایا کہ دونوں صوبوں میں تقریباً 67 ہزار پولنگ اسٹیشنز قائم کیے جائیں گے، پنجاب میں تقریباً 52 ہزار جبکہ کے پی میں 15 ہزار پولنگ اسٹیشن قائم ہوں گے۔

ڈی آر اوز انتہائی حساس پولنگ اسٹیشنز کی نشاندہی کریں گے جبکہ انتہائی حساس پولنگ اسٹیشن میں سی سی ٹی وی کمیروں کے علاوہ دیگر ادروں کےسکیورٹی اہلکار درکار ہوں گے۔