خالصتان تحریک کے سکھ رہنما امرت پال سنگھ کو پولیس نے گرفتار کرلیا

چندی گڑھ: (دنیا نیوز) بھارت کا اقلیتوں کے خلاف ایک اور قابل مذمت اقدام، انڈین پولیس نے خالصتان تحریک کے سکھ رہنما امرت پال سنگھ کو گرفتار کر لیا۔

بھارتی پنجاب پولیس کے مطابق امرت پال سنگھ کو پنجاب کے ضلع موگا سے گرفتارکیا گیا، پنجاب پولیس ایک ماہ سے امرت پال سنگھ کو تلاش کررہی تھی جب کہ اس موقع پر بھارتی پولیس کی جانب سے شہریوں سے پر امن رہنے کی اپیل کی گئی ہے۔

احتجاج کے خدشے کے پیش نظر بھارتی پنجاب میں ہائی الرٹ جاری کر دیا گیا۔

میڈیا رپورٹس کے مطابق بھارت میں سکھ برداری علیحدہ ریاست خالصتان کے قیام کی جدوجہد کر رہی ہے۔