ملک بھر میں کورونا وائرس کے 4 کیس رپورٹ

اسلام آباد: قومی ادارہ صحت نے کہا ہے کہ ملک بھر میں گزشتہ 24 گھنٹوں کے دوران کورونا وائرس کے 4 کیس رپورٹ ہوئے اور 7 مریضوں کی حالت تشویش ناک ہے۔

ہفتہ کو این آئی ایچ کی طرف سے جاری اعدادوشمار کے مطابق ملک بھر میں گزشتہ 24 گھنٹوں کے دوران کورونا وائرس کے 2 ہزار 322 ٹیسٹ کیے گئے جن میں سے 4ٹیسٹ مثبت آئے، اس طرح مثبت کیسز کی شرح 0.17 فیصد رہی اور اس دوران کوئی مریض جاں بحق نہیں ہوا جبکہ 7 مریضوں کی حالت تشویشناک ہے۔

اسلام آباد میں 284 ٹیسٹ کئے گئے جن میں سے ایک ٹیسٹ مثبت آیا اورمثبت کیسز کی شرح 0.35 فیصد رہی۔