جیل میں ہمارے ساتھ جنگی قیدیوں والا سلوک کیا گیا،مسرت جمشید چیمہ

9 مئی کے واقعات کے بعد تحریک انصاف کو خیرباد کہنے والی رہنما مسرت جمشید چیمہ کا کہنا ہے کہ جیل میں ہمارے ساتھ جنگی قیدیوں والا سلوک کیا گیا، اور اب پیغام یہ ہے کہ سیاست بھی چھوڑ دیں تب بھی آپ کے ساتھ مال غنیمت والا سلوک جاری رہے گا۔

پہلے ہمارے ساتھ جیل میں سیاسی قیدیوں کی بجائے جنگی قیدیوں والا سلوک روا رکھا گیا.

— Musarrat Cheema (@MusarratCheema) June 23, 2023

 تحریک انصاف چھوڑنے اور سیاست سے کنارہ کشی کرنے والی رہنما مسرت جمشید چیمہ نے اپنی ٹویٹ میں کہا کہ پہلے ہمارے ساتھ جیل میں سیاسی قیدیوں کی بجائے جنگی قیدیوں والا سلوک روا رکھا گیا، اور آج جمشید اقبال چیمہ کو پھر گرفتار کر لیا گیا ہے۔

مسرت جمشید چیمہ کا کہنا تھا کہ یہ دراصل پریس کانفرنس کرنے والوں کو پیغام ہے کہ آپ سیاست بھی چھوڑ دیں تو بھی آپ کے ساتھ مال غنیمت والا سلوک جاری رہے گا۔

سابق پی ٹی آئی رہنما نے مزید کہا کہ ہمارا حق ہے کہ ہم سیاست سے کنارہ کشی اختیار کر لیں اور ہمیں اس سے بھی محروم رکھا جارہا ہے۔