ایف آئی اے نے پرویز الٰہی کو دوبارہ گرفتار کر لیا

لاہور: وفاقی تحقیقاتی ادارے (ایف آئی اے) نے پیر کو پاکستان تحریک انصاف (پی ٹی آئی) کے صدر چوہدری پرویز الٰہی کو دوبارہ گرفتار کر لیا۔

تفصیلات کے مطابق ایف آئی اے نے منی لانڈرنگ کیس نمبر 6 میں پرویز الٰہی کو دوبارہ گرفتار کرکے عدالت میں پیش کردیا ہے۔

اس سے قبل ایف آئی اے کی اینٹی منی لانڈرنگ ٹیم نے چوہدری پرویز الٰہی کے گن مین محمد زمان کو بھی گرفتار کیا تھا جسے جوڈیشل مجسٹریٹ کی عدالت میں پیش کیا گیا جنہوں نے ملزم کا چار روزہ جسمانی ریمانڈ منظور کیا۔

یہ بھی بتایا گیا ہے کہ محمد زمان صدر پی ٹی آئی پرویز الٰہی کا کیش بوائے اور فرنٹ مین ہے جو الٰہی کے غیر قانونی لین دین اور منتقلی میں ملوث ہے۔

چوہدری کو ایف آئی اے نے اسی کیس میں محمد زمان کی نشاندہی پر گرفتار کیا ہے۔ ایف آئی اے نے ملزم کے موبائل فون سے اہم شواہد حاصل کرنے کا دعویٰ کیا ہے۔