پاکستانی روپے کے مقابلے امریکی ڈالر کی قدر میں اضافہ

کراچی: کاروباری ہفتے کے پہلے روز انٹربینک ایکسچینج میں پاکستانی روپے کے مقابلے امریکی ڈالر کی قدر میں معمولی اضافہ ریکارڈ کیا گیا۔

کرنسی ڈیلرز کے مطابق انٹربینک مارکیٹ میں ڈالر 0.25 روپے مہنگا ہو کر 287 روپے پر پہنچ گیا ہے۔

جبکہ اوپن کرنسی مارکیٹ میں غیر ملکی کرنسی 291 روپے کی سطح پر مستحکم ہے۔

دوسری جانب حکومت اور انٹرنیشنل مانیٹری فنڈ (آئی ایم ایف) کے درمیان معاہدے کا امکان پاکستان اسٹاک ایکسچینج پر بھی اثر انداز ہونے لگا، کاروباری سیشن کے دوران کراچی اسٹاک ایکسچینج (کے ایس ای) انڈیکس میں 1100 سے زائد پوائنٹس کا اضافہ ہوگیا۔

پاکستان اسٹاک مارکیٹ (PSX) کا پیر کو زبردست آغاز ہوا، کاروباری ہفتے کے پہلے روز مارکیٹ میں تیزی دیکھنے میں آئی۔