لاہور میں منشیات کی ترسیل کےلئے ڈرون استعمال ہونے لگے

منشیات فروشوں نے منشیات کی ترسیل کا انوکھا طریقہ ڈھونڈ لیا ہے۔ 6 کلو منشیات لے کر جانے والا ڈرون پُر اسرار طور پر لاہور کے نواحی علاقے کاہنہ کے رسول پورہ گاؤں میں گر گیا۔ ڈرون دیکھ کر گاؤن والوں میں خوف و ہراس پھیل گیا۔

گاؤں والوں کی اطلاع پر قانون نافذ کرنے والے اداروں کے اہلکاروں  نے ڈرون اور منشیات کو قبضے میں لے کر کارروائی کا آغاز کر دیا۔ منشیات سے بھرا ڈرون کہا سے آپریٹ ہو رہا تھا اور کہا جا رہا تھا اس پر تحقیقات جاری ہے۔

ڈرون روزدار نامی زمیندار کی زمینوں میں گرا، لوگوں نے دیکھا تو ڈرون کے ساتھ کروڑوں روپے مالیت کی 6 کلو ہیروئن کو باندھا گیا تھا۔