لاہورمیں جائیداد کے تنازع پر گروہوں کے درمیان فائرنگ، 2  افراد قتل،ملزمان گرفتار

لاہور: لاہور کے علاقے مصری شاہ ، فاروق گنج میں پلاٹ کا تنازع 2 افراد کی جان لے گیا۔

پولیس کے مطابق دہرے قتل کا واقعہ عثمان گنج مصری شاہ کے علاقے میں پیش آیا جہاں عبدالرحمان اور فیاض گروپ کے درمیان قبضے پر جھگڑا ہوا تو فیاض گروپ کے  پتھراؤ سے عبدالرحمان ہلاک ہوگیا۔

پولیس کا کہنا ہےکہ اسی دوران عبدالرحمان کے سکیورٹی گارڈز نے فائرنگ کرکے فیاض سمیت 2 افراد کو زخمی کردیا، زخمیوں کو فوری اسپتال منتقل کیا گیا جہاں فیاض دم توڑ گیا۔

مصری شاہ پولیس نے بروقت کارروائی کرتے ہوئے فائرنگ میں ملوث2 ملزمان کو گرفتار کر لیا۔

پولیس نے جائے وقوعہ سے شواہد اکٹھے کر لئے، پولیس کے مطابق متاثرہ فریقین کے بیانات کی روشنی میں واقعہ کی مختلف پہلوؤں پر تحقیقات جاری ہیں۔

پولیس اور تحقیقاتی اداروں کی کاروائی کے بعد لاشیں ایدھی ایمبولنس کے ذریعے مردہ خانہ منتقل کر دی گئیں۔